Arman Qasenovtiń sózinshe, AES-ti kim salatyny áli belgilengen joq. 

"Qazir ony kim salady, qaı elder salady degen sıaqty sheshim qabyldanǵan joq. Demek ony qalaı qarjylandyratyny týraly da aıtylmady. Atom elektr stansıasyn qarjylandyrýdyń bir nusqasy – bólip tóleý júıesimen salý. Iaǵnı, ony salatyn kompanıa tólem merzimin uzarta alady. Tıisinshe, qarjylandyrýǵa qarajat qajet bolmaýy múmkin", – dedi vıse-mınıstr.

Qasenov jýrnalıserdiń "AES Qazaqstan úshin tıimsiz bola ma" degen suraǵyna jaýap berdi. Aıtýynsha, bul joba elimizge shyǵyn ákelmeıdi. 

"Energıa óndiretin barlyq jobalardyń ózindik quny bar. Olar tarıfke engizilgen. Bul joba men basqa da energıa óndirýshi kez kelgen joba sol sebepti tıimsiz dep eseptelmeıdi", – dedi vıse-mınıstr. 

8 qazanda Ortalyq referendým komısıasy Qazaqstanda AES salý boıynsha Respýblıkalq referendýmnyń nátıjelerin shyǵarǵan edi. Málimetterge sáıkes, AES salýǵa 71,12% adam kelisken. Osylaısha, referendým ótti dep sanalǵan.