Qazaqstanda mopedterge nómir taǵýdy mindetteıtin zańnamalar 2025 jylǵy sáýirden bastap kúshine enedi. Qoldanystaǵy talaptar boıynsha nómir kóliktiń tek artqy jaǵyna taǵylady. Alaıda, Astana men Almatyda 14 myńǵa jýyq sergek kameralary ornatylǵan bolsa, olardyń tek myńǵa jýyǵy ǵana avtotransportty artqy jaǵynan baqylaýǵa arnalǵan. Osy oraıda, Sergek Group kompanıasynyń ókili Kolesa.kz basylymyna máseleni sheshýdiń joldaryn aıtyp berdi.

"Astanada mundaı 150 kamera bolsa, Almatyda 800-ge jýyq. Olar qalanyń tek ortalyq bólikterinde ǵana emes, shetki aımaqtarynda da ornatylǵan. Biz Shyǵys Azıa elderiniń qalalarynda, atap aıtqanda Fılıppındik Bagıo jáne Indonezıanyń Balıkapane qalalaryndaǵy mopedterdi anyqtaý tájirıbelerin zerttedik. Bul qalalardy neırojeli men kompúterlik janar júıesi belsendi qoldanylady. Qazir biz balama qyzmet túrlerin Qazaqstanda qoldaný joldaryn ázirleýmen shuǵyldanyp jatyrmyz", – dedi kompanıanyń ónimder jónindegi dırektory Nyǵmet Ábdirahmanov. 

Onyń aıtýynsha, Shyǵys Eýropa elderiniń tájirıbesi mopedterge nómirdi tek artqy jaǵyna ǵana emes, aldyna da taǵýdyń qajettiligin kórsetken. Bul transport quralyn dál anyqtaýǵa kómektesedi. Degenmen, Nyǵmet Ábdirahmanovtyń aıtýynsha, Almaty men Astanadaǵy 14 myńǵa jýyq kamerany transport quralyn artynan da baqylaıtyn etip qurýǵa bolady. 
Kolesa.kz dereginshe, jyl basynan beri Almatyda mopedterdiń qatysýymen 743 jol-kólik oqıǵasy bolyp, 14 adam qaıtys bolsa, 757 adam jaraqat alǵan.