Esildiń sol jaǵalaýyndaǵy aýdandarǵa jaqynda ornatylǵan «jyly aıaldamalar sońǵy kúnderdegi sýyqqa shydamaı qıraı bastady. Bul týraly «Qamshy» aqparattyq portaly informburo.kz-ke silteme jasaı otyryp habarlaıdy.
Astana ákimdigi jer-kókke syıǵyzbaı maqtaǵan aıaldamalardyń aldymen esikteri isten shyqqan. Syrǵyp ashylatyn esikterdiń relsteri qysylyp qalǵandyqtan jabylmaı, aıqara ashyq jatyr.
«Jel joq demeseń, temperatýra dalada qandaı bolsa munda da sondaı. Aldaǵy qaqaǵan qysqa myna úıshikterdiń tótep bere alatynyna senim» joq deıdi turǵyndar.
Astana kóshelerine quny 10 mıllıon teńgege baǵalanǵan mundaı aıaldamalardy ornatý qazan aıynda bastalǵan bolatyn. Jyl sońyna deıin ákimdiktegiler barlyǵy 55 osyndaı aıaldama kesheni qoıylady dep josparlanýda.
