Qazaqstan Prezıdenti Qasym-Jomart Toqaev "2025-2027 jyldarǵa arnalǵan respýblıkalyq búdjet týraly" zańǵa qol qoıdy. Qujat "Egemen Qazaqstan" gazetinde jarıalandy. 

Zańnyń 9-babynda 2025 jyly jalaqynyń eń tómen mólsheri burynǵysha 85 myń teńge bolyp qalatyny jazylǵan. Al aılyq eseptik kórsetkish (AEK) 2024 jylmen salystyrǵanda 6,5 paıyzǵa ulǵaıyp, 3 692 teńgeden 3 932 teńge boldy.

Eń tómen kúnkóris deńgeıiniń shamasy da osynsha paıyzǵa ósip, 43 407 teńgeden 46 228 teńge boldy. Ekeýiniń kómegimen áleýmettik tólemder esepteletinin eskersek, olardyń kólemi de ulǵaıady. Buǵan qosa, aılyq eseptik kórsetkish kólemi aıyppuldar men memlekettik salyqtardyń kólemine áser etedi. Endi olar da 6,5 paıyzǵa ulǵaıady.

Zeınetaqynyń eń tómen mólsheri 8,5 paıyzǵa ósip, 62 771 teńge boldy. Buryn 57 853 teńge bolǵan. Aıta keterlik jaıt, mundaı zeınetaqyny jumys ótili 1998 jylǵa deıin kóp bolǵan azamattar alady. Mysaly, áıelder úshin 20 jyl, er azamattar úshin 25 jyl.

Osylaısha, 2025 jyly esepteý kórsetkishteri jáne sonyń kómegimen esepteletin áleýmettik tólemder, buǵan qosa qazaqstandyqtardyń zeınetaqysy ulǵaıady.