"Qazavtojoldyń" burynǵy basshysy 8 jylǵa bas bostandyǵynan aıyryldy

/uploads/thumbnail/20241218150641964_big.webp

Astanadaǵy sot "Qazavtojol" kompanıasynyń eks-basshysyna úkim shyǵardy. 

Astana qalasynyń qylmystyq ister jónindegi aýdanaralyq sotynyń málimetinshe, iste eki adam aıyptalǵan. Olardyń biri – "Qazavtojol" basqarmasynyń burynǵy tóraǵasy.

Tergeý barysynda M. jáne J.-nyń 2000 jyldardan beri tanys ekendigi anyqtalǵan.

“M. 2017-2019 jyldary Aqmola oblysynyń jolaýshylar kóligi jáne avtomobıl joldary basqarmasynyń basshysy, 2019-2021 jyldary oblys ákiminiń orynbasary bolǵan jáne avtomobıl joldaryndaǵy, onyń ishinde Esil ózeni arqyly ótetin kópirdegi "Jaqsy-Esil-Býzýlýk" avtojolyndaǵy máseleler týraly bilgen.

2019 jyly M.-ny oblys ákiminiń orynbasary bolyp taǵaıyndalǵan kezde "QazAvtoJol" UK AQ Aqmola fılıaly men J. tulǵasynda "Asyl-JAS" JSHS arasynda osy kópirdi jóndeý boıynsha 2,2 mıllıard teńge somasyna satyp alý týraly shart jasaldy. Sotta aqsha merdigerge aýdarylmaǵany anyqtaldy”, – delingen habarlamada. 

M. 2021 jylǵy sáýirde "QazAvtoJol" UK AQ basqarma tóraǵasy bolyp taǵaıyndaldy.

“2021 jylǵy 16 maýsymda tapsyrys berýshiniń bastamasy boıynsha shart buzylyp, merdiger atynan "Asyl-JAS" JSHS onyń áreketterin sot tártibinde daýlamaǵan. Al shilde-tamyz aılarynda J. jáne múddeli tulǵalardyń qatysýymen keńes uıymdastyryp, onda "Asyl-JAS" JSHS-men bir kózden alý tásilimen shart jasasý týraly máselege bastamashy bolǵan. Mundaı keńesti ótkizýge negiz joq edi. J.-dan eshqandaı jazbasha ótinishi túspegen”, – delingen habarlamada. 

“QK 189-baby 4-bóliginiń sanksıasy 7 jyldan 12 jylǵa deıingi merzimge bas bostandyǵynan aıyrý túrindegi jazany kózdeıdi. Jaza taǵaıyndaý kezinde sot sottalýshylardyń áreketterinde M. jáne J.-nyń jazasyn jeńildetetin mán-jaılardy eskergen: ol jas balalardyń bolýy jáne sottylyqtarynyń bolmaýy”, – dep sheshim shyǵardy sot. 

Qatysty tegter :

Pikir qaldyrý

Qatysty Maqalalar