"Rosatom" memlekettik korporasıasynyń kompanıalar tobyna kiretin "Ýranıým Ýan Grýp" AQ túpki benefısıary State nuclear Uranium Resources Development Co., Ltd (QHR) kompanıasy bolyp tabylatyn SNURDC Astana Mining Company Limited kompanıasynyń paıdasyna "Zarechnoe" BK" AQ-nyń aksıalarynyń ózine tıesili 49,979%-yn satty.

Bul rette osy birlesken kásiporyndaǵy Qazatomónerkásiptiń qatysý úlesi ózgergen joq jáne ol 49,979%-dy quraıdy.

"Zarechnoe" BK" AQ 1977 jyly ashylǵan Túrkistan oblysyndaǵy Zarechnoe ken ornynda ýran óndirýdi júzege asyrady. Ken ornyndaǵy ýran qory 2024 jyldyń basynda shamamen 3,5 myń tonnany quraǵan. Ken ornyn ıgerýdi aıaqtaý 2028 jylǵa josparlanyp otyr.

"Ýranıým Ýan Grýp" AQ sondaı-aq "Horasan-U" BK" JSHS-tiń jarǵylyq kapıtalyna qatysý úlesiniń 30 paıyzyn jáne "Qyzylqum" JSHS-tiń jarǵylyq kapıtalyna qatysý úlesiniń 30%-yn mámile taraptary ony jabý rásimderin aıaqtaǵan jaǵdaıda túpki benefısıary China General Nuclear Power Corporation (CGN, QHR) bolyp tabylatyn China Uranium Development Company Limited kompanıasynyń paıdasyna satady dep kútilýde. Osy birlesken kásiporyndarda Qazatomónerkásiptiń qatysý úlesi ózgermeıdi, "Horasan-U" BK" JSHS-te 50% jáne "Qyzylqum" JSHS-te 50% (janama) deńgeıde saqtalady.

"Horasan-U" BK" JSHS Qyzylorda oblysynyń Jańaqorǵan aýdanyndaǵy Soltústik Harasan ken ornynyń "Harasan-1" ýchaskesinde ýran óndirýdi júzege asyrady. Ken ornynyń qorlary 2024 jyldyń basyndaǵy jaǵdaı boıynsha paıdalaný merzimi 2038 jylǵa deıingi 33 myń tonnaǵa jýyq ýrandy quraıdy. "Horasan-U" BK" JSHS-te óndirilgen búkil ýran tikeleı sol ıgerilip jatqan ýchaskeniń ózinde ornalasqan "Qyzylqum" JSHS-tiń óndiristik qýattarynda qaıta óńdeledi. "Qyzylqum" JSHS jer qoınaýyn paıdalaný quqyǵyna ıe emes jáne tek ýrandy qaıta óńdeý boıynsha qyzmetterdi júzege asyrady.

Qazatomónerkásip jańa seriktesterin quttyqtap, birlesken jumysta tabys tileıdi. Qazirgi ýaqytta Kompanıanyń strategıalyq basymdyǵy mıneraldy-shıkizat bazasyn tolyqtyrý jáne qorlardyń turaqty ósýin qamtamasyz etý bolyp tabylady.

Kompanıa perspektıvaly aýmaqtardy baǵalaýǵa jáne jańa ken oryndaryn ashýǵa baǵyttalǵan geologıalyq barlaý jumystarynyń aýqymdy baǵdarlamasyn iske qosty. Bul baǵdarlama atom holdıńiniń uzaq merzimdi pozısıasyn nyǵaıta otyryp, oń nátıje beredi. Bir ǵana bıyldyń ózinde Qazatomónerkásip perspektıvaly ýchaskelerde ýrandy barlaýǵa tórt jańa lısenzıa aldy, olardy kompanıa tek óz kúshterimen oryndaýdy josparlap otyr. Aldyn ala baǵalaýlar boıynsha, osy perspektıvaly ýchaskelerdegi jalpy boljamdy resýrstar 180 myń tonnadan asady.