Bıyl Mańǵystaý oblysynda «Bilim berý ınfraqurylymyn qoldaý qory» arqyly 4 800 oryndyq 4 mektep paıdalanýǵa berildi. Sonymen qatar, 6 510 oryndyq 14 jekemenshik mektep ashyldy. Bul týraly OKQ ótken baspasóz konferensıasynda oblys ákimi Nurdáýlet Qılybaı aıtyp berdi.

Memleket basshysynyń saılaýaldy baǵdarlamasynda bergen tapsyrmasyna saı, Aqtaý qalasynda balalardyń shyǵarmashylyq jáne zıatkerlik áleýetin kóterý úshin 1500 oryndyq «Oqýshylar saraıy» qoldanysqa berildi. Búginde zaman talabyna saı salynǵan ortalyqta 3500-den astam bala tegin qosymsha bilimmen qamtamasyz etilýde.

Sondaı-aq, demeýshilerdiń esebinen kolej stýdentterine arnalǵan 500 oryndyq jataqhana ashyldy. Osylaısha Aqtaý qalasynda ornalasqan kolejderde jataqhana máselesi tolyqtaı sheshildi.

«Jaıly mektep» ulttyq jobasy aıasynda bıyl 13 mekteptiń qurylysy bastaldy.

Mańǵystaý oblysy ákiminiń baspasóz qyzmeti