Internet-alaıaqtyqpen baılanysty qylmystyq isterdi tergeý barysynda qylmys jasaý úshin paıdalanylǵan kóptegen sim-kartanyń iske qosylǵan orny anyqtaldy. Jedel-izdestirý is-sharalarynyń nátıjesinde Jetisý oblysynyń 24 jáne 25 jastaǵy eki turǵyny ustaldy.

Olardyń biri Jambyl aýylynda, ekinshisi Qaratal aýdanynyń Dostyq aýylynda turǵan.

Kúdiktiler sim-kartalardy iske qosyp, WhatsApp messendjerine tirkelip, Qazaqstan azamattaryn aldaýmen aınalysatyn alaıaqtarǵa satqan.
Qylmys kelesi sqema boıynsha júzege asyrylǵan: qaskóıler ózderiniń jeke derekterin paıdalanyp, Tele2 qosymshasy arqyly abonenttik nómirlerdi tirkegen. Sodan keıin basqa qosymshalardyń kómegimen nómirlerdi iske qosyp, olardy Telegram-kanaldar arqyly 500-den 1500 teńgege deıingi baǵamen satqan.
Kúnine 100-ge deıin sim-karta tirkegen. Tintý barysynda ustalǵandardan 17 uıaly telefon, eki noýtbýk, bir modem jáne 1000-ǵa jýyq sim-karta tárkilendi.
Ustalǵandardyń basqa alaıaqtarmen baılanysy tekserilip jatyr.