2024 jyldyń 17 jeltoqsanynan 2025 jyldyń 12 qańtaryna deıin Almaty sırkinde «Qar patshaıymy» atty jańajyldyq ertegi  qoıylymy kórsetildi.

Qazaq memlekettik sırkiniń rejıserlik-qoıylym toby Sizderdiń nazarlaryńyzǵa kóne erteginiń jańa nusqadaǵy biregeı qoıylymyn kishkentaı kórermenderge usyndy. Serpindi jáne qyzyqty ertegi oqıǵasy qazirgi zamanǵy ınterpretasıada sırk tilimen kórermenge jol tartady, barlyǵymyzǵa belgili Kaıa men Gerda keıipkerleriniń ornyna shytyrman oqıǵalardan Djonık pen Kamılla ótedi. Sıqyrshylar – Kúlki qorǵaýshysy, Kóktem, Jaz, Kúz basty keıipkerlerge Qar patshaıymynyń muzdy júregin eritýge kómektesedi. Ol planetanyń barlyq balalarynyń eń qysqy, eń qarly jáne eń súıikti merekesi – Jańa jyldyń qojaıyny ekendigin mindetti túrde esine túsirýi tıis.

«Basty keıipkerler Djonık pen Kamılla bizdiń kórermenderge unaǵany sonshalyqty – taǵy da jańa jyldyq qoıylymnyń keıipkerleri atandy. Balalyq shaǵymyzda sıqyrly taıaqshamen ertegiler álemine tap bolyp, árbirimizdiń qıaldaıtyn kezdi eske túsiredi», - deıdi Qazaq memlekettik sırkiniń bas qoıýshy rejıseri Marına Redko.

«Baǵdarlama úshin arnaıy jańa sırk nómirleri, eksklúzıvti kostúmder, sırk rekvızıtteri jasalýda, kórermenderdi ertegi sújetine baýrap alatyn ınteraktıvti úlken lazerlik shoý bolady», - dedi Qazaq memlekettik sırkiniń Dırektory Maqsat Jaıkov.

Merekelik baǵdarlamaǵa Iý.Nıkýlın atyndaǵy Máskeý sırkiniń ártisteri ózderiniń keremet úıretilgen janýarlarymen, kórermenderdi kúlkige qaryq qylatyn kún shýaqty Ispanıadan kelgen kloýn, Almaty sırkiniń úzdik ártisteri – halyqaralyq sırk óner festıvaliniń jeńimpazdary men laýreattary: áýe gımnasttary, ekvılıbrıser, akrobattar, «Nomad» kaskaderleri qatysady.

17 jeltoqsanda saǵat 12:00-de Qazaqstan Respýblıkasynyń Táýelsizdik kúnine oraı «Qar patshaıymy» jańa jyldyq ertegisiniń tusaýkeseri ótedi. Qoıylym qalalyq Máslıhat depýtattarymen birlesip, halyqtyń az qamtylǵan jáne kópbalaly otbasylardyń balalaryna, ardagerlerge, qarttarǵa arnalady.