Shetelde júrgen LRT-nyń burynǵy basshysy Talǵat Ardan ózine qatysty sot úkimimen kelispeı, appelásıalyq shaǵym túsirgen edi.

Talǵat Ardan aýyr saldarǵa alyp kelgen qyzmettik ókilettikterin teris paıdalanǵany úshin syrttaı kináli dep tanylyp, 7 jylǵa bas bostandyǵynan aıyrylǵan edi. Sot materıaldaryna sáıkes, ol "Astana LRT" JSHS basqarma tóraǵasy qyzmetin atqarǵanda LRT qurylysyn iske asyrý jumystaryn buzǵan.

Sonyń saldarynan Qytaıdyń memlekettik damý bankinen alynǵan 257,6 mln AQSH dollary qaıtarylǵan joq. Osylaısha, 2016 jylǵy valútalardyń resmı baǵamyna boıynsha 85,9 mlrd. teńge maqsatsyz jumsalǵan. Talǵat Ardan sot úkimimen kelispeı, óziniń advokaty arqyly apelásıalyq shaǵym túsirip, ózin aqtaýdy surady.

"Astana qalalyq sotynyń qylmystyq ister jónindegi sot alqasynyń 2024 jylǵy 25 jeltoqsandaǵy qaýlysymen sot úkimi ózgerissiz, apelásıalyq shaǵym qanaǵattandyrýsyz qaldyryldy, óıtkeni sottalǵannyń kinási jábirlenýshi ókiliniń, kýágerlerdiń aıǵaqtarymen, saraptamalardyń qorytyndylarymen jáne basqa da materıaldarmen dáleldendi", - delingen resmı habarlamada.

Tergeý sharalary barysynda Talǵat Ardan Túrkıada jasyrynyp júr degen aqparat taraǵan. Antıkor ony shaqyrý týraly habarlamany buqaralyq aqparat quraldarynda jarıalady.