ASTANA. QazAqparat - Qazaqstanda tuńǵysh ret túrlendirilgen bıtým óndirisi bastaldy. Ol asfált betony jabyndysynyń aýa raıy qysymyna tózimdi bolyp, avtokólik qozǵalysy kezinde deformasıalyq tozýyn shektep, elastıkalyq jumsaqtyq beredi de sol arqyly sapalyq deńgeıin edáýir arttyrady.
«QMG-ÓM» AQ Qoǵammen baılanys qyzmetiniń habarlaýynsha, «CASPI BITUM» BK» JSHS Aqtaý bıtým zaýytyndaǵy tuńǵysh tájirıbelik ónerkásiptik maqsattaǵy qondyrǵy iske qosyldy. Onyń jyldyq óndiristik qýaty 120 myń tonna túrlendirilgen bıtým shyǵarýǵa jetedi. Bul ónim qazirgi tańda respýblıkalyq mańyzy zor «Batys Eýropa-Batys Qytaı» halyqaralyq avtokólik magıstrali qurylysy nysandaryna taptyrmaıtyn taýar túri.
Túrlendirilgen bıtýmdy jolǵa tóseletin munaı bıtýmy quramyna polımer SBS (túrlendirgishi) qosylady. Polımerdiń bıtýmǵa qosylysy nátıjesinde, jol jabyndysynyń aýa raıy qysymyna tózimdiligi 100°S-qa deıin barady. Bul qazirgi paıdalanymdaǵy jolǵa qaraǵanda áldeqaıda tozyǵy jetýi úderisin shekteıdi.
Aqtaý bıtýmynyń sapasy Qazaqstannyń jańa avtokólik joldaryndaǵy «Nurly jol» memlekettik baǵdarlamasyna júzege asyrýda onyń uzaq merzimge jaramdylyǵy men qurylys jumysynyń senimdiligine kepildik etedi.
Qazaqstannyń qurlyq aralyq kóliktik logıstıkalyq hab retinde qalyptasýyna, QR aýmaǵy arqyly júk avtokólikteri aǵynynyń artýyna, «Qorǵas-SHyǵys qaqpasy» AEA-nan bastalǵan júk aǵynynyń Aqtaý teńiz portyna merıadandyq shekaralyq dálizben jetýine zor múmkindik ashady.
Qazaqstannyń halyqaralyq avtokólik magıstrali jol jabyndysynyń sapalyq deńgeıin edáýir kóterip qana qoımaı, onyń ótkizý múmkindigin de tasqyndatyp, jol jóndeý aralyqtaryn uzartyp, jolǵa qyzmet kórsetý túrleriniń ońtaılandyrylýyna ákeledi.
Túrlendirilgen bıtým Memleket basshysy N.Á.Nazarbaevtyń basshylyǵymen bastalǵan Qazaqstannyń tabıǵı aýa raıynyń qataldyǵyna baılanysty avtokólik joldarynyń sapasyn kóterýdegi tyń qadam bolyp otyr.
Tuńǵysh túrlendirilgen bıtýmnyń alǵashqy partıasyn shyǵarý saltanatyna «QazMunaı Gaz-óńdeý jáne marketıń» AQ men Mańǵystaý oblysy ákimdiginiń basshylary qatysyp, jańa ónimdi óndiriske engizgende, avtokólik salasyna úlken ekonomıkalyq únemdilik ákeletindigin atap ótti. Iaǵnı, jol jabyndysynyń paıdalanylý merzimi 1,5-2 esege uzarady.
Túrlendirilgen bıtým munaı óńdeý salasyndaǵy jańa ónimderdiń qatarynan tórtinshi oryn alady. «QMG-ÓM» AQ kásiporyndary buǵan deıin bıylǵy jyl basynan beri Atyraý MÓZ-nan rıformat, benzol jáne paraksılol ónimderin shyǵarǵan bolatyn.
Aqtaý bıtým óndirisi zaýyty Qazaqstannyń avtokólik salasyndaǵy suranysyn qanaǵattandyrý maqsatynda jol jabyndysyn otandyq joǵary sapaly materıaldan jasaý úshin 2013 jyly jeltoqsanda ÚIID MB aıasynda iske qosylǵan bolatyn.
Óndiristi shıkizatpen qamtýǵa Qarajanbas ken orny munaı qaldyǵy qoldanylady. Túrlendirilgen bıtým sapasy QR Ulttyq sapa standarty talaptaryna sáıkes keledi.
«CASPI BITUM» zaýyty - «KMG-ÓM» AÓ» AQ men «SITIK Qazaqstan» JSHS birlesken kásiporny, teń dárejede (50%/50% úlestik negizde ) qurylǵan.
Derekkóz: Qazaqparat
