TALDYQORǴAN. QazAqparat -  Búgin Taldyqorǵanda 60 jetim bala qonys toıyn toılady. Taǵdyr tálkegimen otbasylyq jylý kórmeı ósken balalar búgin memlekettik qoldaý  men shynaıy qamqorlyqty sezindi. Ótken jylǵy qazanda Almaty oblysy ákiminiń qoldaýymen jetim balalarǵa arnalǵan 60 páterlik úıdiń qurylysy bastalǵan bolatyn.
Qonys toıyn toılaýshylardy quttyqtaýǵa óńir basshysy A. Batalov keldi.

Oblys ákimi turǵyn úı salasy zańnamasyna engizilgen ózgeristerge sáıkes jetim balalar UOS ardagerleri men múgedektermen teń dárejede turǵyn úı alýǵa erekshe basymdyqqa ıe ekenin atap ótti, búgingi shara sonyń dáleli boldy.

 «Balanyń bóteni bolmaıdy. Senderde biz barmyz, myqty kóshbasshy - Prezıdentimiz bar. Sondyqtan jalǵyzbyn dep oılamańdar», - dedi A. Batalov.

Páterdiń kiltin alǵashqylardyń biri bolyp, qýanyshy qoınyna syımaı turǵan Ikram Ǵaıtov aldy.

«Prezıdentimizge, oblys ákimine bizdi qoldaǵany úshin alǵysymdy bildiremin. Búgin erekshe baqyttymyn. «Óz úıim - óleń tósegim» degen osy bolar», - dedi Gaıtov.

Úıdi salý úshin oblystyq búdjetten 348 457 633 teńge bólindi. Úı jobasyn «Arlan-joba qurylys» JSHM daıyndady. «Taldyqorǵan q. Qurylys bólimi» MM tapsyrysy boıynsha úıdi «Shymyr» JSHS saldy. Qurylys jumystarynyń sapasy baqylaýda bolǵanyn atap ótken jón. Nysan apta saıyn laýazymdy tulǵalar ınspeksıasynyń tizimine endi. 4-shi deńgeıli jaılylyq synybymen úıdiń jalpy alańy 3698,45 m² quraıdy. 60 páterdiń 28-i bir bólmesi bolsa, 32-si - eki bólmeli.

Derekkóz: Qazaqparat