Qasym-Jomart Toqaev "Ana tili" gazetine bergen kólemdi suqbatynda Talǵardaǵy qylmystyq oqıǵaǵa qatysty pikir bildirdi. 

"Qaıtalap aıtamyn, elimizde "Zań men tártip" qaǵıdaty myzǵymastaı ornyǵýǵa tıis. Men Talǵar oqıǵasyna deıin jarıalaǵan Joldaýymda quqyq qorǵaý organdarynan qylmys pen qaraqshylyqtyń tamyryna balta shabýdy talap ettim.

Qańtar oqıǵasy kezindegi jappaı tártipsizdikti qylmystyq toptar jasaǵanyn esten shyǵarmaǵan jón. Memleket uıymdasqan qylmyspen ymyrasyz kúres júrgizýge shamasy jetetinin sońǵy eki jylda anyq kórsetti. Asa qaýipti qylmystyq toptar áshkerelenip, quryqtalyp jatyr. Olardyń sybaılastary men qarjy kózderi de anyqtalyp otyr. Byltyr 246 adam qylmystyq jaýapkershilikke tartyldy. Onyń ishinde uıymdasqan qylmystyq toptardyń 30 basshysy bar. Bul jumysty men erekshe baqylaýda ustap ­otyrmyn", - dedi Qasym-Jomart Toqaev.

Memleket basshysy Talǵarda oqıǵadan keıin quqyq qorǵaý organdary barlyq qajetti sharalardy qabyldaǵanyn atap ótti. Qylmysqa kúdiktiler ustaldy, al tergeý amaldary aıaqtalýǵa jaqyn. Jaqyn arada bul is boıynsha sot otyrysy ótetini belgili boldy.