2025 jyly Qazaqstan halqy Assambleıasynyń qurylǵanyna 30 jyl tolady. Osy mereıtoılyq dataǵa oraı 150-den astam is-shara uıymdastyrylady dep kútilýde.

Qazaqstan men shet memleketterde ótetin bul is-sharalar keminde 1,5 mln adamdy qamtıdy dep kózdelip otyr.

Qazaqstan halqy Assambleıasy — 1995 jyldyń 1 naýryzynda Qazaqstan Respýblıkasy prezıdentiniń jarlyǵymen qurylǵan memleket basshysy janyndaǵy konsýltatıvti-keńesshi organ.

2008 jyldyń 20 qazanynda Qazaqstan Respýblıkasynyń "Qazaqstan halqy Assambleıasy týraly" Zańyna qol qoıyldy. Osy zań etnosaralyq qatynastar salasyndaǵy negizgi prınsıpterdi aıqyndaı otyryp, Qazaqstan halqy Assambleıasy men onyń qurylymdarynyń mártebesin zań deńgeıinde bekitti.