Taǵaıyndalǵan elshiler arasynda 3 memlekettegi qyzmetti qosa atqaratyndary da bar.

Memleket basshysynyń jarlyqtarymen birqatar memleketke jańa elshi taǵaıyndaldy:

Asqar Jeńis Qazaqstannyń Mysyrdaǵy elshisi laýazymyna taǵaıyndaldy. Bul qyzmetti atqarǵan Qaırat Lama Sharıf laýazymynan bosatyldy.

Dáýlet Batyrashev Qazaqstannyń Horvatıadaǵy elshisi bolyp taǵaıyndaldy. Bul qyzmetti buryn Aqylbek Kamaldınov atqaryp keldi.

Sondaı-aq Dáýlet Batyrashev Portýgalıadaǵy Tótenshe jáne Ókiletti Elshi laýazymynan bosatyldy. Onyń ornyna Jan Ǵalıev taǵaıyndaldy.

Qazaqstannyń Iordan Hashımıt Koróldigindegi Tótenshe jáne Ókiletti Elshisi Talǵat Shaldanbaı Irak Respýblıkasy jáne Palestına Memleketindegi elshi qyzmetin qosa atqarýshy bolyp taǵaıyndaldy.