Aqtaýdaǵy AZAL ushaǵynyń apatyn tergeý boıynsha qorytyndy esep úsh jyldan keshiktirmeı bekitiledi.

25 jeltoqsanda bolǵan avıasıalyq oqıǵany tergeý ınvestısıalar jáne damý mınıstriniń 2017 jylǵy buıryǵyna sáıkes júrgizilip jatyr.

"Buıryqtyń 32-tarmaǵyna saı, adam qaza bolǵan avıasıalyq oqıǵany tergep-tekserý uzaqtyǵy komısıa qurylǵan sátten bastap avıasıalyq oqıǵany tergep-tekserý nátıjeleri týraly qorytyndy esep bekitilgen kúnge deıin, sondaı-aq eger qosymsha zertteýler qajet bolmasa, ereje 36 aıdan aspaıdy”, – dep habarlady mınıstrlik.

Tergeý komısıasynyń múshesi, kólik vıse-mınıstri Talǵat Lastaev 30 jeltoqsanda tergeýdiń aldyn ala nemese aralyq qorytyndysy 30 kúnde daıyn bolatynyn habarlady.