Energetıka mınıstri Almasadam Sátqalıev atom elektr stansıasy qurylysy kezinde qansha qazaqstandyqtyń jumyspen qamtylatynyn aıtty.

Úkimet otyrysy kezinde energetıka mınıstri AES qurylysy kezinde 2030 jylǵa qaraı 5 myńǵa jýyq adamnyń jumyspen qamtylatynyn málimdedi.

"2032 jylǵa qaraı qurylystyń sharyqtaý sheginde 10 myńǵa jýyq adam jumyspen qamtylady. AES qoldanysqa berilgen soń kem degende 2000 adam jumyspen qamtamasyz etiledi. Jańa jobalardan bólek qoldanystaǵy janarmaı-energetıkalyq keshen oryndarynda 2025-2029 jyldary kadr qajettiligi 16 myń jumys orny kóleminde bolady", – dedi mınıstr. 

Sondaı-aq AES qurylysyn qamtamasyz etý úshin eldegi kolejderde AES-ke arnalǵan mamandardy daıarlaý úshin mamandyqtar ashylady. Olar: 

• Dozımetrıst;
• Jóndeý jumysy boıynsha slesar;
• AES qurylǵylaryn jóndeý jáne kútimi boıynsha mamandar;
• Aqparattyq tehnologıalar salasyndaǵy mamandar.