Bishkekte ótken Túrki memleketteri uıymyna múshe memleket basshylarynyń 11-sammıtinde TMU jańa týy qabyldandy.

Túrkıa jańalyqtary telegram-arnasynyń málimetinshe, uıymnyń jańa týyn Ázerbaıjan, Qazaqstan, Qyrǵyzstan, Túrkıa jáne Ózbekstan kóshbasshylary: Ilham Álıev, Qasym-Jomart Toqaev, Sadyr Japarov, Rejep Taıyp Erdoǵan jáne Shavkat Mırzıeev bekitken.

"Túrki memleketteri basshylary keńesiniń otyrysy barysynda túrki áleminiń ortaq qundylyqtaryn, birligi men ortaq mádenı biregeıligin beıneleıtin túrki memleketteri uıymynyń týyn bekitý týraly sheshim qabyldandy. Segizburyshty, juldyzy bar jarty aıdy jáne kógildir fonda birkelki bólingen sáýleleri bar kún beınelengen jalaý uıymnyń resmı sımvolyna aınaldy. Týdyń kógildir túsi túrki halyqtarynyń tarıhı jáne mádenı birligin beıneleıtin ashyq aspandy, beıbitshilik pen órkendeýdi bildiredi", - delingen habarlamada.

Aqparatqa sáıkes, Túrki memleketteri uıymynyń týy bylaı ózgerdi (sol jaqta – eskisi, oń jaǵynda – jańasy):