Ol 1930 jyly 9 mamyrda Túrkistan oblysy Jýaly (qazirgi Túlkibas aýdany), Maıtóbe aýylynda dúnıege kelgen.

Fılologıa ǵylymdarynyń doktory, profesor Mekemtas Myrzahmetuly 95 jasyna qaraǵan shaǵynda dúnıeden ótti.

Sýyt habardy áleýmettik jelidegi paraqshasynda belgili kompozıtor Ábıirbek Tináli málimdedi.

"Mekemtas Myrzahmetov aǵa ótipti ómirden. Topyraǵyńyz torqa bolsyn, aǵa", – dep jazdy óner ıesi.

Aıta keteıik, Mekemtas Myrzahmetulynyń zertteý eńbekterinde abaıtaný men muhtartaný, baýyrjantaný, ıasaýıtanýdyń, Abaıdyń aqyndyq zerthanasynyń jaıy, aqyn murasynyń rýhanı nár alǵan qaınar kózderi men shyǵyspen baılanysy 1965 jyldan bastap den qoıylǵan.

Mekemtas Myrzahmetuly – otbasynyń kenjesi. Otbasynda 12 bala bolǵan. Biri asharshylyq jyldary ómirden ótse, endi biri soǵystan oralmaǵan, arasynda qyzylshamen aýyryp, dúnıeden ótkeni bar. 12 baladan bir ul, bir qyz qalǵan. Ata-anasy balasy jastaı sheshekten óle bergendikten, "tastaı qatty, bekem bolsyn" degen nıetpen kenje balasynyń esimin Mekemtas qoıypty.

Ákesi Myrzahmet 1933 jyly dúnıeden ótken. Asharshylyq jyldary anasy segiz aılyq qyzy men tórt jarym jasar Mekemtasty alyp, basqa aýylǵa qaraı jolǵa shyqqan. Taý men tastyń arasynan ótip, aýylǵa jaqyndaǵan tusta qasqyrlarǵa tap bolyp, anasy sharasyzdyqtan qyzyn qasqyrlarǵa qaldyryp, ulyn aman alyp qalǵan.