Mańǵystaý oblysynyń prokýratýrasy "Mańǵystaýmunaıgaz" kompanıasyna 32 mıllıard aıyppul salynǵanyn málimdedi.

Prokýratýranyń dereginshe, "Mańǵystaýmunaıgaz" AQ-nyń qyzmetinde aǵyndy sýlardy jer qoınaýyna jiberý, sondaı-aq tıisti shekteý ornatpaı burǵylaý qaldyqtaryn jınaqtaýmen baılanysty óreskel zań buzýshylyqtar anyqtaldy.

"Prokýrorlar qoldanǵan sharalar barysynda sottyń 2024 jylǵy 4 jeltoqsanda shyqqan qaýlysymen kompanıa Ákimshilik quqyq buzýshylyq týraly kodekstiń 328-babymen (Qorshaǵan ortaǵa jol beriletin antropogendik áser etý normatıvterin buzý) ákimshilik jaýapqa tartylyp, 31 mıllıard teńge kóleminde aıyppul salyndy. Sot aktisi zańdy kúshine endi. Sonymen qatar munaı jylytý peshterinen qorshaǵan ortaǵa lastaýshy zattardyń shamadan tys shyǵarylý faktisi de anyqtaldy", – delingen habarlamada.

Atalǵan fakt boıynsha byltyr 11 jeltoqsanda kompanıa qosymsha ákimshilik jaýapqa tartylyp, 1,2 mıllıard teńge aıyppul salyndy.