Sot qala turǵynyn birneshe ret laýazymdy tulǵalarǵa para bergeni úshin kináli dep tanyp, 240 mıllıon teńgeden astam aıyppul salǵan. Sottalǵan azamat sot oryndaýshysyna aıyppuldyń 196 mıllıon teńge kólemindegi bóligin ótegeni týraly túbirtekterdiń kóshirmelerin usynǵan.

Nura aýdany prokýratýrasynyń taldaýy barysynda bul somanyń memleket kirisine túspegeni jáne aıyppul tólenbegeni anyqtaldy, al túbirtekterdiń qoldan jasalǵany belgili boldy.

"Prokýratýra nusqaýy boıynsha sot oryndaýshysy sotqa aıyppuldy bas bostandyǵynan aıyrý jazasyna aýystyrý týraly ótinish bildirdi, bul ótinish qanaǵattandyryldy. Aıyppul jazasy 7 jylǵa bas bostandyǵynan aıyrý jazasyna aýystyryldy", – dep habarlady qadaǵalaý organynda.