Dúnıejúzilik densaýlyq saqtaý uıymynyń (DDSU) basshysy Tedros Gebreıesýs metapnevmovırýs týraly pikir bildirdi.

DDSU basshysynyń sózin Vengrıanyń syrtqy ister jáne syrtqy ekonomıkalyq baılanystar mınıstri Peter Sıııarto jetkizdi. Ol Tedros Gebreıesýspen telefon arqyly sóılesken.

"Men Dúnıejúzilik densaýlyq saqtaý uıymynyń bas dırektory, meniń burynǵy jaqsy áriptesim ári dosym Tedros Gebreıesýspen telefon arqyly keńes ótkizdim (...) Meniń dosym Tedros sońǵy birneshe kún men aptalarda taraǵan qorqynyshty jańalyqtarǵa qatysty meni tynyshtandyrdy jáne qazirgi ýaqytta densaýlyq saqtaý salasynda jahandyq tótenshe jaǵdaı qaýpi joq ekenine sendirdi. BAQ-ta keń talqylanǵan vırýs DDSU sarapshylaryna jaqsy tanys, jáne ol ádette qys aılarynda birneshe ret paıda bolady", – dep jazdy Peter Sıııarto Facebook-te.