Ermek Serkebaev – sırek kezdesetin talant ıesi, kásibı sheberligi joǵary mýzykant. Ol mıllıondaǵan óner súıer kórermenniń shynaıy mahabbatyna bólendi.

Búgin Almaty qalasynda kórnekti opera ánshisi, akter, pedagog Ermek Serkebaevqa arnalǵan eskertkishtiń saltanatty ashylý rásimi ótti.

Ashylý saltanatyna Mádenıet jáne aqparat mınıstri Aıda Balaeva, Almaty qalasynyń ákimi Erbolat Dosaev, ánshiniń aǵasy Murat Serkebaevpen uly Baıǵalı Serkebaev, sondaı-aq shyǵarmashylyq zıaly qaýym ókilderi, qala turǵyndary men qonaqtary qatysty.

Eskertkish Abylaı han dańǵylynyń boıynda, Qurmanǵazy atyndaǵy Qazaq memlekettik akademıalyq halyq aspaptary orkestri ǵımaratynyń aldynda ornatylǵan.

Mınıstr Aıda Balaeva eskertkishtiń ashylýy eliniń uly perzentine degen qurmeti  ekenin atap ótip, Ermek Serkebaevtyń baı rýhanı murasy ult jadynda máńgi saqtalatynyna senim bildirdi.

«Ermek Serkebaev – sırek kezdesetin talant ıesi, kásibı sheberligi joǵary mýzykant. Ol mıllıondaǵan óner súıer kórermenniń shynaıy mahabbatyna bólendi. Búgingi qazaq operasyn Ermek Serkebaevsyz elestetý qıyn. Onyń ǵıbratty ǵumyry – mádenıetimizdiń tarıhyndaǵytutas bir taraý. Kópshilik bilmeýi múmkin, biraq ol qoǵamdyq-saıası ómirde de belsendilik tanytyp, Táýelsizdigimizdiń qalyptasýy men nyǵaıýyna zorúles qosty. Sonymen qatar, Ermek Bekmuhamedulydaryndy mýzykanttar áýletiniń negizin qalady. Balalary men nemereleri onyń isin laıyqtyjalǵastyryp, qazaq ónerin álemniń ár túkpirindedáripteýde», – dedi Mádenıet jáne aqparat mınıstri.

Vedomstvo basshysy Ermek Serkebaevtyń beınesin qoladan somdaǵan músinshiler – Aıdos Búrkitbaevqa, Tımýr Ermuhametovke, Aqylbek Ormanbekovke jáne Qýanysh Asylbaıǵa erekshe alǵys bildirdi.