QR Premer-mınıstri Oljas Bektenov ákimdikterge kómirtegin azaıtý boıynsha jobalarǵa qoldaý bildirýdi tapsyrdy. Ol «Atameken» Ulttyq kásipkerler palatasynyń jobalaryn mysal retinde atap ótti. 

Búgingi Úkimet otyrysynda «Taza Qazaqstan» ekologıalyq aksıasynyń iske asyrylý barysy talqylandy.

«Atameken» UKP Basqarma tóraǵasy Raıymbek Batalov sharaǵa elimizdiń túkpir-túkpirinen 164 myńnan astam kásipker qatysqanyn aıtty. Olardyń 4 myńǵa jýyǵy iri bıznes, al 160 myńnan astamy shaǵyn jáne orta bıznesti qurady. Sharaǵa qatysýshylar ekologıalyq tepe-teńdikti qalpyna keltirip, aýlalardy, eldi mekender men qalalardy tazalaýǵa belsene qatysty.

2024 jyldyń sáýiri men tamyzy aralyǵynda kásipkerler 189 myń tonnadan astam qoqys jınady, bul keltirilgen zalaldyń mólsherin, bıznestiń áleýmettik jaýapkershiliginiń joǵary dárejesin kórsetti.

Qarasha aıynda ótken «Adal azamat. Adal eńbek. Adal bıznes» atty Palata forýmynda ekologıany qorǵap, ESG-tájirıbelerin engizýge eleýli úles qosqan kásipkerlerge «Adal azamat» syılyǵy tabystaldy.

«Kásipkerler sý tasqynynan keıin qalpyna keltirý jumystaryna belsene qatysyp, aýmaq, saıabaqtardy, skverler men aýyldardy kógaldandyrýdy jalǵastyrýda», - dedi Batalov.

Sonymen qatar, bıznes-qaýymdastyq ókili qarasha aıynda Palata qabyrǵasynda parnıktik gazdar shyǵaryndylaryn satyp alý týraly kelisimge qol qoıý rásimi ótkenin de eske saldy.

Emission Removal purchase Agreement (ERPA) Almaty oblysynda iske asyrylyp jatqan Qazaqstandaǵy alǵashqy orman-klımattyq joba.

QR Premer-mınıstri Oljas Bektenov ekologıa úshin de, bıznes úshin de ózara tıimdi bastamaǵa qoldaý bildirdi.

«Almaty oblysyndaǵy joba nazar aýdararlyq ári barlyq qoldaýǵa laıyqty. Osyndaı jobalardy ózge óńirlerde de júzege asyrý qajet. Atalmysh jobaǵa men barlyq ákimdiktiń nazaryn aýdarýdy suraımyn»,- dedi Premer-Mınıstr.

Esterińizge sala keteıik, SEFE jáne SAFC birlestikteri sheteldik ınvestısıalardy tartý úshin keń múmkindikter ashýda.

Oń ekologıalyq áserden bólek, jobanyń qyzmeti jergilikti áleýmettik jáne ekonomıkalyq ortaǵa áser etip, aýdan turǵyndaryn jumysqa ornalastyrý jáne oqytý múmkindikterin týǵyzady. Qysqarý boljamyna sáıkes, 30 jylda 1,2 mln tonna SO2ekv, 1 jylda 1 gektarǵa 26 tonna SO2ekv joıylady.

Joba boıynsha seriktes retinde brıtandyq SEFE kompanıasy kúrdeli salymdardan basqa jobany ázirleý, baqylaý, senimdilikti tekserý, sondaı-aq marketıńtik qyzmetterdi usynady.

Qol qoıylǵan kelisim ekologıalyq bastamalardy iske asyrýǵa baǵyttalǵan halyqaralyq yntymaqtastyqty damytýdaǵy mańyzdy qadam boldy. Osy kelisim aıasynda QR Premer-mınıstri Oljas Bektenovpen kezdesý ótip, onda pılottyq orman-klımattyq jobany iske asyrý úlgisi qaraldy.

Sol kezde Úkimet basshysy Oljas Bektenov orman el úshin basym baǵyt bolyp tabylatynyn atap ótti. Ol ekojúıelerdi qalpyna keltirýge, kómirtegin azaıtýǵa jáne jasyl ekonomıkany damytýǵa baılanysty jobalarǵa sheteldik ınvestısıalardy tartý úshin jaǵdaı jasaýǵa umtylatynyn atap ótti.

Búginde barlyq qajetti prosedýralar sátti aıaqtalyp, alǵashqy offteık-kelisimshartqa qol qoıyldy. Bul kómirtegi sharýashylyǵy salasyndaǵy óz bastamalaryn júzege asyrý úshin jınaqtalǵan tájirıbeni paıdalana alatyn basqa qatysýshylarǵa múmkindikter ashatyn mańyzdy qadam boldy.

Mundaı jobalardy iske asyrý Qazaqstan ekonomıkasyn ártaraptandyrýdyń jańa kezeńin bildiredi. Agro-ındýstrıalyq aımaqtar sheńberinde kómirtekti eginshilik tehnologıalary engizilýde. Bul aýylsharýashylyq óndirisinen paıda tabýǵa, sonymen qatar parnıktik gazdar shyǵaryndylarynyń saýdasynan qarajat tabýǵa múmkindik beredi.

Kelisimge qol qoıylǵany týraly baspasóz habarlamasyna silteme: https://atameken.kz/ru/news/53123-v-kazahstane-zapushena-pervaya-lesnaya-ekosistema-v-npp-podpisali-istoricheskoe-soglashenie