Mundaı sheshim Keńes Odaǵy tusynda bolǵan. Endi Qazaqstanda balasy joqtarǵa salyq engizý máselesi qaıtadan talqyǵa salynýda.

Májilis depýtaty Bolat Kerimbektiń sózinshe, qazaqstandyq qyzdar ana bolýdan sanaly túrde bas tartyp jatyr. 

– Materıaldyq qundylyqtar moraldyq qundylyqtan asyp ketip jatyr, óıtkeni otbasynyń basty maqsaty – urpaq ákelý jáne tárbıeleý, urpaq jalǵastyrý, rýhanı qundylyqtardy urpaqtan-urpaqqa jetkizý. Ýaqytynda úılenip, balaly bolý kerek. Qazaqstandyq qyzdardyń ana bolýdan sanaly túrde bas tartyp, "ózi úshin" ómir súrýdi qalaıtyny alańdatady, – deıdi ol. 

Sarapshylar mundaı sheshimder jastardyń elden kóshýine sebep bolýy múmkin ekenin alǵa tartady. Sondyqtan, salyq salý máseleni túbegeıli sheshpeıdi. Eń birinshi, otbasy men balalardyń ómir súrýine laıyqty jaǵdaı jasaý kerek. D.Serikpaev "Sıfrlyq áleýmettik zertteýler" ǵylymı-zertteý ortalyǵynyń basshysy Janna Áýbákirova da osyndaı pikirde. 

– Odan da dúnıege kelgen búldirshinder jaǵdaıy, mektepke deıingi mekemeler, ıaǵnı balabaqshalar men qosymsha bilim berý ınstıtýttary, orta jáne joǵary bilim oqý orny, jastardy jumys oryndarymen qamtamasyz etý máseleleri nazarǵa alynsyn, – dedi ol. 

P.S. Keńes odaǵynda 1992 jylǵa deıin erler men áıelder balaly bolmaǵany úshin jalaqysynyń paıyzyn tólep otyrǵan.