AQSH úkimeti Qazaqstannan jalǵa jer alady. Tıisti zań jobasyn Májilis depýtattary qaraıdy.

Bul bastama aıasynda Qazaqstan men Amerıka Qurama Shtattary úkimetteri arasyndaǵy kelisimdi ratıfıkasıalaý josparlanǵan. Osy kelisim boıynsha amerıkalyq tarap Almatyda konsýldyq mekemeniń ǵımaratyn salý úshin jer telimin jalǵa alady.

Depýtat Aıgúl Quspannyń málimdeýinshe, qaralyp jatqan kelisimge byltyr 27 qyrkúıekte Nú-Iorkte qol qoıylǵan.

"Kelisimniń maqsaty – AQSH úkimetine Almatyda konsýldyq mekeme salý jáne paıdalaný úshin 70 myń sharshy metrden astam jer telimin 49 jyl merzimge jalǵa berý. Kelisimniń erejeleri jer telimin berý tártibi men sharttaryn anyqtaıdy. Komıtet zań jobasyn jumysqa qabyldaýǵa jáne oǵan qorytyndy ázirleýge daıyn. Qoldaýlaryńyzdy suraımyn", – dedi Quspan Májilistiń plenarlyq otyrysynda.

Halyqaralyq ister, qorǵanys jáne qaýipsizdik komıteti zań jobasy boıynsha qorytyndy ázirleıdi. Qujat palatadaǵy kelesi otyrystarda qaralady.

Eske sala keteıik, 2024 jyldyń qyrkúıek aıynda BAQ-ta Qazaqstan men AQSH arasyndaǵy kelisim jobasy jarıalanǵan bolatyn. Bul kelisim boıynsha AQSH Almatyda 70 myń sharshy metrden astam jer telimin 49 jyl merzimge jalǵa almaq.