TAS Group – Qazaqstandaǵy eń tanymal ári iri qarjylyq kompanıalardyń biri, óz salasynda úlken jetistikterge jetip, bıznes áleminde aıtarlyqtaı oryn alǵan. Onyń basty ereksheligi – ulttyq qundylyqtardy saqtaı otyryp, álemdik naryqta básekege qabiletti bola bilýi. Qazirgi tańda TAS Group tek qazaqstandyq naryqta ǵana emes, halyqaralyq arenada da tanymaldyqqa ıe. Alaıda, osy kompanıanyń basty ereksheligi – onyń negizinde jatqan qazaqy rýh pen ulttyq bolmysynda.

«Bizdiń kompanıa qarjy salasynda qyzmet etedi. Shaǵyn jáne orta bıznestiń ókilderine qysqa merzimdi qarjylandyrý usynamyz. Sonymen qatar, biz qazaqsha sóıleıtin alǵashqy qarjy kompanıasy bolýǵa umtylamyz. Árbir qazaq óz tili men mádenıetin maqtan etýi tıis. Eger biz ózimiz ana tilimizde ádemi sóılep, joǵary mádenıetimizben úlgi bolsaq, jastarymyz da soǵan elikteıdi», - deıdi kompanıa basshysy Dýlat Tastekeı.

Dýlat Tastekeıdi kópshilik til janashyry retinde tanıdy. Ol ózi basqaryp otyrǵan kompanıalar tobyndaǵy is-qaǵazdardy qazaqshalap, qyzmetkerlerine qazaq tili kýrsyn uıymdastyryp, óz isimen jáne ustanymymen úlgi bolǵan kásipker. Sebebi mekemedegi basty talaby – qazaq tilin bilý.

«Bizdiń baılanys ortalyǵymyzǵa qońyraý shalatyndardyń 60% qazaq tilinde qyzmet alýdy qalaıdy. Qazaq tili bıznes tiline aınalýy úshin tutynýshylar óz tilinde qyzmet kórsetýdi talap etýi tıis. Eger klıentter qazaq tilinde sóılesýdi talap etse, bıznes te soǵan beıimdeledi», - deıdi Dýlat Tastekeı.

TAS Group qyzmetinde qazaq tilin keńinen qoldanýdy jáne onyń damýyna úles qosýdy basty maqsattarynyń biri retinde kóredi. Qazaq tilin tek qujattamada emes, qyzmetkerlermen sóılesýde, marketıńtik strategıalarda da jıi paıdalanady. Kompanıanyń ınternet-resýrstary men áleýmettik jelilerindegi jazbalarynyń barlyǵy birinshi qazaq tilinde jarıalanady, bul tek tildiń mártebesin arttyryp qana qoımaı, qoǵamnyń ulttyq sanasyn damytýǵa da yqpal etedi.

«Bizde búgingi tańda ártúrli ult ókilderi bar: orys, káris, uıǵyr, ózbek ultynyń ókilderi, odan basqa az ulttardyń qansha baryn bilmeımin, bular qazaqstandaǵy keńsemizde, al, bizdiń bıznesimiz Reseıde jáne Ózbekstanda da bar. Ol jaqta sol elderdiń negizgi halqy jumys istep jatyr. Sondaı-aq onda bizdiń qazaqtar da qyzmet etip júr. Bizde osyndaı jaǵdaı. Iaǵnı kompanıadaǵy qyzmetkerlerdiń 90% astamy qazaqtar. Munda másele ultqa bólingendik emes, bizde qyzmetkerlerge qoıylatyn talaptardyń biri qazaq tilin jetik bilý. Soǵan da baılanysty shyǵar, bizdiń bilikti qyzmetkerlerdiń negizi qazaq ultynyń azamattarynan quralǵan», - dep qosty Dýlat Tastekeı.

TAS Group kompanıasy árqashan qazaqtyń ulttyq dástúrlerine, mádenıeti men bolmysyn qurmetteıdi. Bul kompanıanyń logotıpi men korporatıvtik mádenıetinde kórinis tabady. Qazirgi tańda álemdik bıznes keńistiginde ulttyq naqyshtar men etnıkalyq elementterdi saqtap qalý ońaı emes, alaıda TAS Group bul aspektilerdi óz bıznesiniń ajyramas bóligine aınaldyrdy. Qundylyqtar men salt-dástúrler kompanıanyń korporatıvtik strategıasyna, jumys tártibine jáne qyzmetkerlermen qarym-qatynasqa áser etedi.

TAS Group tek ózi úshin jumys istep qana qoımaı, qazaqstandyq kásipkerler men jumysshylardy qoldaýǵa da baǵyttalǵan jobalardy júzege asyrady. Kompanıa túrli áleýmettik jáne bilim berý baǵdarlamalaryn qoldaıdy, jastarǵa kásipkerlik daǵdylaryn úıretip, olarǵa tájirıbe alýǵa múmkindik beredi. Osylaısha, TAS Group el ekonomıkasyna qosatyn úlesin arttyryp, óz tarapynan jastardy tárbıeleý men qoldaý júıesin qalyptastyrýda.

 «Assyltas» qoǵamdyq qory TAS Group qarjy kompanıalar tobynyń áleýmettik jaýapkershiligin júzege asyratyn qor. Jyldyq paıdamyzdyń bir bóligin qoǵam men mádenıettiń damýyna jumsaımyz. «Inovasıaǵa den qoıyp, qazaq tilin qalyń buqaranyń iskerlik orta tiline aınaldyrý. Qaıyrymdylyq jasaý. Ulttyq qundylyqtardy dáripteý. Ulttyq múdde jolynda qyzmet etý» - «Assyltas» qoǵamdyq qorynyń mısıasy, ıaǵnı ómir súrý máni. Bul aınalyp kelgende TAS Group kompanıasynyń da bolmysyn kórsetedi. TAS Group kompanıasynyń negizgi mısıasy qarjy naryǵyndaǵy jumysy bolatyn bolsa, jalpy toptyń mısıasy osyǵan kelip saıady», - dep atap ótti Dýlat Tastekeı.

Ulttyq qundylyqtardy nasıhattaýdy belsene qoldap júrgen Dýlat Tastekeı búginde tek kásipker emes, sondaı-aq Almaty qalalyq máslıhatynyń depýtaty, ári mesenat.

«Men Almaty qalalyq máslıhat depýtaty bolyp saılanǵan soń, sol máslıhattyń bolatyn is-sharalarynda, jıyndarynda óz tarapymnan barlyq dúnıeniń memlekettik tilde bolýyna depýtat retinde talap qoıyp, bir-eki otyrystarda ózimniń pozısıamdy bildirdim. Sebebi biz basqa ulttardy qolymyzdan kelgenshe syılaýǵa tyrysamyz, biraq solaı eken dep árdaıym solardyń yǵyna jyǵyla beretin bolsaq, onymyz bolmas. Biz birinshi kezekte ózimizdiń ana tilimizge qurmet kórseteıik, sodan keıin qonaqtardy syılaıyq. Aldymen ózimizge qurmet kórsetpeı, qashanda ózgeniń yǵyna jyǵyla beretin bolsaq, onda bizdiń tilimizge degen suranys, qajettilik bolmaıdy. Qajettilik pen suranys bolmasa oǵan degen qyzyǵýshylyq múlde bolmaıdy.», - deıdi Dýlat Tastekeı.

TAS Group tek qazaqı qundylyqtardy ǵana emes, ekonomıkalyq jáne qarjylyq turǵydan da turaqty ári ınovasıalyq kózqarasty alǵa tartady. Kompanıa jańa tehnologıalar men bıznes úlgilerin engizý arqyly Qazaqstan ekonomıkasyn jańa deńgeıge kóterýge tyrysady. Sonymen qatar, syrtqy naryqtarǵa shyǵý arqyly otandyq ónimder men qyzmetterdi halyqaralyq arenada tanytýǵa da mán beredi.

«Tehnologıalyq jaǵynan bir orynda turý – ozyq kompanıalardyń artynda qalýmen teń. Tehnologıasyn kún saıyn jańartatyn kompanıa retinde jumysymyzdy toqtatpaımyz. Klıentterimizdiń ómirin jeńildetý úshin onlaın tehnologıalardy ári qaraı damyta túsemiz. Bizdiń basqa kompanıalardan básekelestik artyqshylyǵymyz – bıznesti masshtabtandyrýdy basqaratyn ózimizdiń aqparattyq júıemiz bar. Qazirdiń ózinde 70-ten astam IT qyzmetker jumys isteıdi. Olardyń jalaqysy kompanıadaǵy qalǵan 250-den astam adamnyń jalaqysynyń qosyndysynan artyq. Bul mamandardyń qyzmeti elimizde ǵana emes, álemde joǵary baǵalanatyny málim. IT tehnologıany qoldaý basqalar úshin ınvestısıa bolsa, TAS Group úshin – turaqty belgilengen shyǵyn. Bizde fintech kompanıanyń barlyq elementteri qarastyrylǵan.

Osy kúnge deıin AQSH, Avstralıa jáne odan basqa 40-tan astam memleketti aralap keldim, alaıda ol jaqta tamsandyratyn qarjy servısin kórmedim. Bizdiń kompanıalardyń jasap júrgen dúnıelerin álemniń eshbir memleketinde qaıtalaı alǵan joq. Biz qarjy salasyndaǵy ozyq tehnologıalardy qosýda kóshbasshymyz deýge bolady. Mysaly, otandyq bankterdiń biri IPO-ǵa shyqty, taǵy birneshe qazaqstandyq kompanıa sondaı sátti IPO jasasa, alda elimiz fintech kompanıalar shoǵyrlanǵan ortalyq retinde