Kitap shyǵarý salasyndaǵy sońǵy tendensıalar men oqyrman suranysyn eskere otyryp, adebiportal.kz otandyq ádebı portaly avtorlardyń aýdıokitap formatyndaǵy jańa shyǵarmalarymen tolyǵýda.
Portaldyń jańalyǵy – Qasym-Jomart Toqaevtyń «Áke týraly oı-tolǵaý» aýdıokitaby. Kitap qazaq ádebıetindegi detektıv janrynyń negizin qalaýshy Kemel Toqaevtyń ómir jolyna arnalǵan.
Avtor ákesiniń ómiri men shyǵarmashylyǵy týraly jeke estelikterimen bólisip, Kemel Toqaevtyń qıyndyqqa toly balalyq shaǵy, onyń maıdandaǵy jastyq kezi men soǵystan keıingi shyǵarmashylyq joly týraly áńgimeleıdi. Avtor anasy – Turar Shabarbaevaǵa arnaıy bólim arnaǵan. Anasy jazýshynyń ómirlik adal serigi, otbasynyń uıytqysy bolǵanyn aıtady. Óziniń ata-anasyna jáne jaqyndaryna degen súıispenshilik sezimin tereń jetkizedi.
Prezıdenttiń otbasy qundylyqtary, borysh pen jaýapkershilik, aǵa urpaqtyń murasy týraly oı-tolǵaýlary kitapta aıqyn kórinis tapqan. Qasym-Jomart Toqaevtyń bul týyndyda baıandaǵan shynaıy tolǵanystary jas urpaq tárbıesi úshin máni tereń, mańyzy zor.
Kemel Toqaev HH ǵasyrdaǵy otandyq ádebıette jarqyn iz qaldyrdy. Shyǵarmalary qalamdastary, synshylar men oqyrman tarapynan joǵary baǵalanyp, Qazaqstan men Keńes Odaǵynda bestsellerge aınaldy.
Prezıdenttiń aýdıokitaby Kitap.kz, Topiq.kz, Kazneb.kz qosymshalarynda da qoljetimdi bolady.
Jaqyn ýaqytta Uly Jeńistiń 80 jyldyǵyn merekeleý aıasynda adebiportal.kz portalynda qazaqstandyq maıdanger-jazýshylardyń aýdıokitaptary ornalastyrylady: Baýyrjan Momyshuly «Artymyzda Moskva, Tahaýı Ahtanov «Qaharly kúnder», Ábdijámil Nurpeıisov «Kútken kún», Ázilhan Nurshaıyqov «Aqıqat pen ańyz», Kemel Toqaev «Soldat alysqa ketti», Qasym Amanjolov «Aqyn ólimi týraly ańyz» jáne t.b.
Pikir qaldyrý