Premer-mınıstrdiń orynbasary Qanat Bozymbaev aýyldyq jerlerdi damytý úshin ne istelip jatqanyn aıtty.

Úkimette ótken baspasóz máslıhatynda Bozymbaevqa "Elimizde 6 myńǵa jýyq aýyl bar. Biraq ondaǵy jastar jumyssyz. Bul másele qalaı sheshiledi? Arnaıy baǵdalamalar bar ma?" dep suraq qoıdy.

Biz bul máseleni bilemiz. Qazirgi tańda óńirlik saıasatty ózgertemiz dep josparlap otyrmyz. Oǵan tıisti tobymyz bar. Búginde 75 sarapshy ár óńirlerge skrınıng jumystaryn júrgizedi. Bireýler mal sharýasymen, endi bireýler baý-baqshada jumys isteıdi. Sondyqtan qandaı jaǵdaı jasaý kerek jáne qurylym bolýy kerek... Máselen, keıbireýleri eki sıyr ustaıdy, jaıylymy bar, biraq sút ótkizetin jeri joq. Sol sebepti ol aımaqqa sút saqtaıtyn qoımalar qajet. Olardy sút zaýytyna deıin jiberý qajet, - deıdi Qanat Aldabergenuly.

Bozymbaevtyń aıtýynsha, qosalqy sharýashylyq elimizdiń aýyl sharýashylyǵynyń 36 paıyzyn alyp otyr. Sózinshe, qosalqy sharýashylyqty eki ese arttyrý qajet.

Bizde aýyldy damytýǵa qatysty 3-4 memlekettik baǵdarlama bar. Kerek bolsa, olardy qaıta qarastyramyz, - deıdi vıse-premer.