Búgin bas qadaǵalaý organynda keńeıtilgen alqa otyrysy ótkizildi, onda 2024 jylǵy jumystyń qorytyndysy qaraldy.

İs-sharany asha otyryp, Bas Prokýror Berik Asylov prokýratýra organdary zańdylyqty qamtamasyz etý, azamattardyń konstıtýsıalyq quqyqtary men bostandyqtaryn qorǵaý, zańǵa baǵynatyn bıznesti zańsyz tekserýlerden arashalaý, mańyzdy ınvestısıalyq jobalardy súıemeldeý, zańsyz aktıvterdi qaıtarý, azaptaýlardyń aldyn alý, sondaı-aq alaıaqtyqqa, esirtki bıznesine jáne basqa da qaýipti qubylystarǵa qarsy kúres jónindegi quqyq qorǵaý organdarynyń kúsh-jigerin úılestirý boıynsha sharalar keshenin qabyldaǵanyn atap ótti.

Ótken kezeńde prokýrorlar Memleket basshysynyń tapsyrmasy sheńberinde mańyzdy ınvestısıalyq jobalardy súıemeldeý, ınvestorlar men olardyń ınvestısıalaryn qorǵaý jónindegi jumysty jalǵastyrdy, Prezıdent bul jumysty ulttyq basymdyqtar deńgeıine kóterdi.

Kásipkerlerdiń quqyqtaryn qorǵaý boıynsha júıeli sharalar qabyldandy. Atap aıtqanda, ınvestısıalyq jobalardy súıemeldeý barysynda 565 ınvestor naqty kómek aldy, olardyń el ekonomıkasyna qosqan úlesi 10 trln teńgeni qurady.

Bas Prokýror prokýratýra men basqa da quqyq qorǵaý organdarynyń ókilettikterin paıdakúnemdik maqsatta, bızneske qysym jasaý, ekonomıkalyq qaqtyǵystarǵa qatysý úshin paıdalaný áreketterin qatań túrde toqtatý qajettiligin atap ótti.

Áleýmettik-ekonomıkalyq salada prokýrorlardyń aktileri boıynsha 3,5 mln azamattyń konstıtýsıalyq quqyqtary qorǵaldy, onyń ishinde – 123 myń qyzmetker, 1,9 mln-ǵa jýyq jasóspirim,  23 myńnan astam balanyń paıdasyna alıment boıynsha 4,6 mlrd teńge qaryz óndirildi.

Barlyq anyqtalǵan buzýshylyqtar men problemalyq máseleler boıynsha Úkimetke 23 qadaǵalaý aktisi engizildi (ekologıa, balalardyń quqyqtaryn qorǵaý, JKO aldyn alý, azamattardyń ótinishterin qaraý sapasy boıynsha jáne t.b.). Olardyń negizinde Jol kartalary, zańdarǵa jáne zańnan týyndaǵan aktilerge túzetýler ázirlendi, sonymen qatar olarda baıandalǵan buzýshylyqtardy joıý, sondaı-aq azamattardyń, bıznestiń quqyqtaryn jáne memlekettiń múddelerin qorǵaý úshin qajetti basqa da sharalar qabyldandy.

Aktıvterdi qaıtarý jónindegi quqyqtyq tetikterdi nyǵaıtý jalǵastyryldy.

Ótken jyly 428,7 mlrd teńge mólsherinde urlanǵan aktıvter qaıtaryldy. Zań sýbektilerimen kelisimder boıynsha 48 mlrd teńgeden astam somaǵa 15 áleýmettik jáne ınvestısıalyq joba iske qosyldy.

Halyqaralyq tájirıbeni eskere otyryp, sot tártibimen túsiniksiz shyqqan aktıvterdi memleket kirisine aınaldyrý praktıkasy engizildi. Qazirgi tańda nátıje bar ekenin aıta ketý jón bolady (10 mıllıon dollarǵa talap qanaǵattandyryldy, soma óteldi). Sonymen qatar, múlikti erikti túrde keri qaıtarý bóliginde sýbektilermen jumys júrgizilýde.

Eldegi krımınogendik jaǵdaı turaqty baqylaýda.

Qylmystyq quqyq buzýshylyqtar sanynyń tómendeýi jalǵastyrylýda (140-tan 132 myńǵa deıin; -5,3%). 

Alaıaqtyqqa, esirtki qylmysyna jáne basqa da qaýipti qubylystarǵa qarsy is-qımyl boıynsha júıeli jumys júrgizilýde.

Qylmystyq proseske qatysýshylardyń quqyqtarynyń kepildikteri nyǵaıtylady.

Qylmystyq orbıtaǵa 4 132 azamatty negizsiz tartýǵa jol berilmedi.

Azaptaý faktileri eki ese azaıdy (54%, 424-ten 194-ke deıin).

Halyqaralyq yntymaqtastyq jelisi boıynsha sheteldik áriptestermen ózara is-qımyl jáne yntymaqtastyqty nyǵaıtý qamtamasyz etildi, sondaı-aq izdeýde júrgen adamdardy ekstradısıalaý jáne qylmyskerlerdi ustap berý jónindegi jumys jalǵastyryldy.

Qylmysqa qarsy is-qımyl, zańsyz shyǵarylǵan aktıvterdi qaıtarý máseleleri boıynsha shet memlekettermen halyqaralyq yntymaqtastyqty damytý boıynsha jumys jalǵasýda.

2024 jyly 9 (1) halyqaralyq sharttar jasaldy (Marokkomen (3), Perýmen (3), Katarmen (2) jáne Kıprmen (1)).

       Shetelde jasyrynyp júrgen adamdardy ekstradısıalaý boıynsha jumys jandandyryldy.       

        2024 jyly Qazaqstanǵa 67 (55) adam ustalyp jiberildi (Reseıden – 37, Grýzıadan – 6, Qyrǵyzstannan – 4, Túrkıadan, BAÁ men Ázirbaıjannan 3-den, Polsha men Armenıadan 2-den, Ispanıa, Shvesıa, Chehıa, Germanıa, Koreıa, Moldova, Ýkraınadan 1 -den).  

   Aldaǵy kezeńde qadaǵalaý organynyń kúsh jigeri mynalarǵa baǵyttalatyn bolady:

  1) Memleket basshysynyń nusqamalaryn odan ári iske asyrý («Zań jáne tártip», «Halyq únine qulaq asatyn memleket», «Ádiletti Qazaqstan – Adal azamat», «Taza Qazaqstan» jáne t.b. qaǵıdattaryna);

       2) quqyq buzýshylyqtardyń profılaktıkasyn kúsheıtý jáne alaıaqtyq, qaraqshylyq, esirtki bıznesi jáne basqalar sıaqty qazirgi zamanǵy syn-tegeýrinderge qarsy kúreske;

      3) qadaǵalaý qyzmetine, onyń ishinde jasandy ıntellektti paıdalana otyryp, sıfrlyq quraldardy engizýge;

     4) qoǵamnyń memlekettik organdarǵa degen senimin arttyrýǵa.

  Memleket basshysynyń tapsyrmalary sheńberinde prokýratýra organdary zańsyz shyǵarylǵan aktıvterdi qaıtarý, sondaı-aq ınvestorlardy «prokýrorlyq súzgi» arqyly qorǵaý jónindegi jumysty jalǵastyrady.

Ártúrli salalardaǵy júıeli jáne ózekti máseleler boıynsha tekserýler júrgizý josparlanǵan.

Olardyń qatarynda azaptaýǵa qarsy is-qımyl jáne qylmystyq proseste azamattardyń konstıtýsıalyq quqyqtarynyń buzylýyna jol bermeý, bilim berý qyzmetin lısenzıalaý kezinde zańdylyqty saqtaý, sondaı-aq kadrlardyń biliktiligin arttyrý jáne qaıta daıarlaý baǵdarlamalary, memleket muqtajy úshin jer ýchaskelerin májbúrlep ıelikten shyǵarý kezinde zańnama talaptaryn saqtaý máseleleri jáne basqalar bar.

Bas prokýratýranyń baspasóz qyzmeti