Májilis depýtaty Nartaı Aralbaıuly MÁMS júıesin ýaqytsha toqtata turýdy usyndy.

Depýtat Densaýlyq saqtaý mınıstri Aqmaral Álnazarovaǵa MÁMS júıesin ýaqytsha toqtata turýǵa, áleýmettik medısınalyq saqtandyrý qory qyzmetkerleriniń jalaqysyna qatysty suraq qoıdy.

MÁMS-tiń jumys istep jatqanyna 6 jyl boldy. Ne tirkeý toqtaǵan joq. Onyń ishinde marqumdardy da tirkep jiberdi. 3-4 aılyq balalardyń da tisin emdedik dep qor aqsha alyp otyrǵanyn kórip otyrmyz. Byltyr Prezıdent tapsyrǵan medısınalyq kómektiń biryńǵaı toptamasy da jasalǵan joq. Oǵan qosa Memleket basshysy aıtqan “jergilikti bılik ókilderi, ákimdikter áleýmettik osal toptardyń keıbiriniń medısınalyq saqtandyrýyn jergilikti búdjetten tólesin” bastamasy da júzege asqan joq. Osy MÁMS-ti jasaý arqyly halyqty synaq alańyna salyp jibergen sıaqtymyz. Burynǵy júıe de, qazirgi jumys de istep turǵan joq. Halyq qaıda baryp, em alaryn bilmeıdi, - dedi depýtat.

MÁMS-tiń jumys istep jatqanyna 6 jyl boldy. Ne tirkeý toqtaǵan joq. Onyń ishinde marqumdardy da tirkep jiberdi. 3-4 aılyq balalardyń da tisin emdedik dep qor aqsha alyp otyrǵanyn kórip otyrmyz. Byltyr Prezıdent tapsyrǵan medısınalyq kómektiń biryńǵaı toptamasy da jasalǵan joq. Oǵan qosa Memleket basshysy aıtqan “jergilikti bılik ókilderi, ákimdikter áleýmettik osal toptardyń keıbiriniń medısınalyq saqtandyrýyn jergilikti búdjetten tólesin” bastamasy da júzege asqan joq. Osy MÁMS-ti jasaý arqyly halyqty synaq alańyna salyp jibergen sıaqtymyz. Burynǵy júıe de, qazirgi jumys de istep turǵan joq. Halyq qaıda baryp, em alaryn bilmeıdi, - deıdi Nartaı Aralbaıuly.

Densaýlyq saqtaý mınıstri Aqmaral Álnazarova MÁMS jańa júıe bolǵandyqtan kemshilikteri bar ekenin jasyrmady. Ol bul kemshilikterdi depýtattarmen birge joıatynyna senimdi ekenin qosa ketti.

- 17 mlrd teńgeniń ishine barlyǵy kiredi. Jalaqyny tóleý qory 11 mlrd teńge bolsa, qalǵan shyǵyndar 20 fılıal men ortalyq fılıaldyń barlyǵyn ustap turýǵa ketedi. 2024 jyldyń qorytyndysymen 15,5 mlrd teńge kóleminde qarajat shyǵyndarǵa jumsaldy, - dep túsindirdi mınıstr Májiliste.