TALDYQORǴAN. QazAqparat - Aıdyn Aıymbetovtiń sátti ushýy Qazaqstan úshin ǵarysh jylnamasynyń jańa paraqshasyn ashty. Bizdiń jerlesimiz besinshi ǵarysh baǵdarlamasynyń tájirıbelerin tabysty ótkizdi. Al onyń ǵaryshqa sapary bizdi uly maqsat - Bolashaǵy birtutas el maqsatyna jeteleıtin jańa jetistikke aınaldy, dep habarlady «QazAqparat» tilshisine oblys ákimi Amandyq Batalov.
Onyń aıtýynsha, Qazaqstan Respýblıkasy álemniń ǵarysh derjavalarynyń qataryna kirdi. Óz ǵaryshkerlerin ushyrý múmkindigi bar elder kóp emes. El Prezıdentiniń buıryǵymen ǵaryshker Aıdyn Aıymbetovke «Halyq Qaharmany» joǵary ataǵy berildi.
«Ǵaryshqa ushý el úshin ataýly ýaqyt, Qazaqstan halqy Assambleıasynyń 20 jyldyǵy men Qazaq handyǵynyń 550 jyldyǵyn toılaý kezinde ótti. Al «Soıýz TMA-18M» zymyran-tasyǵyshynyń ushyrylýy Baıqońyrdaǵy ataqty «Gagarın startynda» 500-shi ushyrý boldy.
2 qyrkúıektiń tańy Qazaqstan tarıhyna jazylǵan. Baıqońyr ǵarysh aılaǵynan «Soıýz TMA-18M» ushty. Ol taldyqorǵandyq Aıdyn Aıymbetov, Reseı ǵaryshkeri Sergeı Volkov, Danıa astronavty Andreas Mogensendi orbıtaǵa jetkizdi. Bul sátti búkil el nazarynda boldy. Ásirese, qazaqstandyq ǵaryshkerdiń jerlesteri erekshe nazar saldy. «Jastar» Sport saraıyna ondaǵan myń shattanǵan adamdyń buǵan deıin osyndaı barýyn eshkim eske túsire almaı otyr. Juldyzdardy baǵyndyrýshylarmen kezdesýge barlyǵy bardy. Turǵyndardyń ótinishimen kórshi aýdandardyń ákimdikteri nıet bildirgen adamdardyń ǵaryshkerdi kórýi úshin avtobýstar bóldi. Bul bizdiń halqymyzdyń birligi men nyǵaıýynyń kórinisi emes pe?» - dedi oblys ákimi.
«Taldyqorǵan áýenderi» fólklorlyq-etnografıalyq ansambliniń Aıymbetovke arnap shyrqaǵan «Ǵaryshker Aıdyn» áni onyń isin bolashaq urpaqqa nnasıhattaý, dep atap ótti Amandyq Batalov.
Derekkóz: Qaz Aqparat
