Áleýmettik jelide atyraýlyqtar qala kóshelerinde qańǵybas ıtterdiń kóbeıip ketkenin aıtyp, alańdaýshylyq bildirip jatyr.

Turǵyndar kún saıyn kóbeıip jatqan buralqy ıetterden qaýip kóp dep otyr. Aıtýylarynsha, balalar mektepke barǵanda artynan júgirip, qorqytatyn kórinedi. "Juldyz-2" yqshamaýdany turǵyndarynyń biri munyń birshama ýaqyttan beri jalǵasyp kele jatqanyn aıtyp, balalardyń qaýipsizdigine alańdaıtynyn jetkizdi. 

“Qazir qańǵybas ıtterdi aýlaý jumystary toqtap tur. It aýlaıtyn uıymdardy anyqtaýǵa qarajat bólinip, tender jarıalandy. Jumys jeńimpaz uıym anyqtalǵannan keıin bastalady”, – dep málimdedi Atyraý oblysynyń aýyl sharýashylyǵy jáne jer qatynastary basqarmasy.

Memlekettik satyp alýlar portalyndaǵy málimetterge sáıkes, bıyl Atyraý oblysynda qańǵybas ıtterdi ustaýǵa jáne ustaýǵa 71 mıllıon teńgeden astam qarjy bólingen. Qarajattar kelesideı bólindi:

• Isataı aýdany – 2 656 000 teńge;
• Mahambet aýdany – 2 943 000 teńge;
• Qyzylqoǵa aýdany – 3 087 000 teńge;
• Maqat aýdany – 3 015 000 teńge;
• Inder aýdany – 3 302 000 teńge;
• Qurmanǵazın aýdany – 5 600 000 teńge;
• Jylyoı aýdany – 8 616 000 teńge;
• Atyraý qalasy – 42 579 000 teńge.