Derekterge súıensek, barlyǵy 1 445 549 sheteldikti ártúrli memleketterden deportasıalaý josparlanýda. Olardyń ishinde:

• Meksıka (252 044);
• Gvatemala (253 413);
• Gondýras (261 651); 
• Salvador (203 822) azamattary kósh bastap tur.

Sondaı-aq, tizimde Qytaı (37 908) men Ortalyq Azıa elderiniń ókilderi bar:

• Ózbekstan (975);
• Qyrǵyzstan (319);
• Tájikstan (149);
• Túrikmenstan (40).

Qazir bul adamdardyń barlyǵy qamaýda emes, biraq olarǵa qatysty túpkilikti sheshim shyǵarylǵan.

Esepte qazir joıylyp ketken KSRO men Iýgoslavıa týraly da aıtylǵan. Osy memleketterdiń tólqujattary bar azamattar óz aýmaqtaryn alyp jatqan elderge jer aýdarylady. 

Buǵan deıin AQSH bıligi zańsyz mıgranttarǵa elden óz erkimen ketýdi usynǵan bolatyn. Kóshi-qon saıasatyn qatańdatý týraly Qazaqstan elshiligi de eskertti.