QMA "Modern Trading Solutions" taýarlyq bırjasynyń zańsyz qyzmetin toqtatty.

Onyń basshylyǵy bırjalyq saýdanyń negizgi qaǵıdalaryn buzyp, Shýbarkól ken ornynan kómirdi tek zańsyz materıaldyq syıaqy tólegen tulǵalarǵa satqan.

Kómirdi qoldanystaǵy zańnamaǵa sáıkes, saýdager saýda bırjalary arqyly básekelestikti damytýǵa, deldaldarsyz, onyń ádil baǵasyn qalyptastyrýǵa yqpal jasaýǵa tıis bolatyn.

Sonymen qatar, "Modern Trading Solutions" taýar bırjasynyń basshylyǵy 23 brokerlik kompanıany týystary men senimdi tulǵalarynyń atyna tirkep, ózderiniń jumysyn kómir saýdasyna tek udaıy aqshalaı syıaqy beretin adamdardy jiberetindeı etip uıymdastyrǵan.

Keri jaǵdaıda, akredıtasıa merzimin sozyp, kelisimshartqa qol qoımaý, saýdaǵa qoljetimdiligin shekteý jáne olardyń nátıjelerin joıý arqyly kásipkerlerge saýdaǵa qatysýyna jol bermegen. 

Atalmysh jaǵdaı ásirese jylytý maýsymy aldynda kóptegen aryz-shaǵymdar men áleýmettik shıeleniske ákelip soqtyrǵan. Qylmystyq toptyń jyl saıynǵy kirisi 2 mıllıard teńgeden asqan. Ony ózderine qarasty kompanıalar arqyly qolma-qol aqshaǵa aınaldyryp otyrǵan. Saýda bırjasynyń 3 basshysyna qamaýǵa alý túrindegi bultartpaý sharasy tańdaldy, al taǵy bireýine osyndaı sharamen qatar izdeý jarıalandy, - dep habarlady QR QMA baspasóz qyzmeti.

QR Qylmystyq prosestik kodeksiniń 201-babyna sáıkes basqa aqparat jarıa etýge jatpaıdy. Agenttik áleýmettik mańyzdy taýarlarǵa baǵa qalyptastyrýdy baqylaýdy jalǵastyrýda. Bırjalyq mámilelerde ádil jaǵdaılardy qalpyna keltirýde jáne tutynýshylardyń múddelerin qorǵaýda jumys isteýde.