Tamara Dúısenova premer-mınıstrdiń orynbasary qyzmetinen bosatyldy. Ol memleket basshysynyń kómekshisi laýazymyna taǵaıyndaldy.

Tıisti jarlyqqa memleket basshysy qol qoıdy.

"Tamara Dúısenova buryn atqarǵan qyzmetinen bosatylyp, prezıdenttiń kómekshisi laýazymyna taǵaıyndalsyn", –delingen jarlyq mátininde.

Tamara Dúısenova 1965 jyly 11 qańtarda dúnıege kelgen. 1987 jyly Tashkent halyq sharýashylyǵy ınstıtýtyn ınjener-ekonomıst mamandyǵy boıynsha bitirgen.

Eńbek jolyn Saryaǵash qalasyndaǵy Ilıch atyndaǵy orta mektepte muǵalim bolyp bastaǵan. Ár jyldary ekonomıs, Shymkent qalasy ákiminiń orynbasary boldy.

• 2002-2006 jyldary Eńbek jáne halyqty áleýmettik qorǵaý vıse-mınıstri;
• 2013-2014 jyldary Eńbek jáne halyqty áleýmettik qorǵaý mınıstrligin basqardy;
• Sodan keıin ol úsh jyl Densaýlyq saqtaý jáne áleýmettik damý mınıstri qyzmetin atqardy;
• 2019-2020 jyldary – Qazaqstan prezıdentiniń shtattan tys keńesshisi;
• 2020-2022 jyldary – Qazaqstan prezıdentiniń kómekshisi – prezıdent ákimshiliginiń ótinishterdi qaraý monıtorıńi bóliminiń meńgerýshisi;
• 2023 jylǵy 8 maýsymnan bastap premer-mınıstrdiń orynbasary – Eńbek jáne halyqty áleýmettik qorǵaý mınıstri;
• 2023 jylǵy 2 qyrkúıekte Dúısenova Eńbek mınıstri qyzmetinen bosatyldy.

Ol premer-mınıstrdiń orynbasary bolyp taǵaıyndaldy.