2025 jylǵy 14 aqpanda İshki ister mınıstrliginde mopedti tirkeý tártibi túsindirildi.

İM resmı ókili Shyńǵys Alekeshevtiń aıtýynsha, mopedterdi tirkeý úshin turǵylyqty jeri boıynsha mamandandyrylǵan halyqqa qyzmet kórsetý ortalyǵyna barý qajet. Jeke basyn kýálandyratyn qujat, elektrondy túrde de bolady, mopedtiń tehnıkalyq qujatyn nemese tehnıkalyq sıpattamalary týraly málimetti usyný qajet. Sodan soń ótinish toltyryp, mopedti tekserý kerek. 

Bul rette, kelesi memlekettik bajdar tólenedi: 

• tirkeý - 0,25 AEK jáne
• tirkeý týraly kýálik - 1,25 AEK
• memlekettik nómir - 1,4 AEK                                  

"Eshqandaı qujat nemese VIN-kod bolmaǵan jaǵdaıda ıa bolmasa qandaı da bir sebepterge baılanysty mopedtiń shyǵarylǵan jylyn belgileý múmkin bolmasa, ony ishki ister organdary tekserý júrgizgennen keıin beredi. Bul rette ony qarap-tekserý júrgizilgen jyl mopedtiń shyǵarylǵan jyly bolyp esepteledi". Shyńǵys Alekeshev

Zańǵa sáıkes 5 sáýirden keıin tirkelmegen mopedterdi basqarýǵa tyıym salynady. Quqyq buzýshylyq anyqtalǵan jaǵdaıda Ákimshilik quqyq buzýshylyq týraly kodekstiń 590-babynyń 2-tarmaǵymen ákimshilik jaýapkershilik kózdelgen.