17 aqpanda elimizdiń basym bóliginde qolaısyz meteorologıalyq jaǵdaı kútiledi.

Cınoptıkterdiń boljamyna súıensek, Pavlodar, Qaraǵandy, Balqash, Temirtaý, Óskemen, Semeı, Rıdder jáne Almaty qalalarynda aýa sapasy birshama nasharlaıdy.

Qolaısyz meteorologıalyq jaǵdaı – atmosferalyq aýanyń betki qabatynda zıandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversıa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.

Qolaısyz meteojaǵdaı kezinde usynylatyn keńester:

• Ashyq aýada, ásirese avtotrassa nemese basqa da lastaný kózderinde bolý ýaqytyn qysqartý;
• Balalar men júkti áıelderge uzaq serýendeýden bas tartý;
• Júrek-qantamyr, ókpeniń sozylmaly aýrýlary, alergıalyq aýrýlary bar adamdarǵa ashyq aýada bolǵan jaǵdaıda dárilerin birge alyp júrý;
• Ashyq aspan astynda fızıkalyq júktemeni azaıtý. Sport jáne dene shynyqtyrýmen jabyq sport keshenderinde aınalysý.