Pavlodar oblysy polısıa departamentiniń uıymdasqan qylmysqa qarsy kúres basqarmasy Alúmını zaýyty aýmaǵynan metal urlaý sqemasyn anyqtady.

İshki ister mınıstrligi óndiris obektilerinde urlyq jasaýdyń sqemalaryn anyqtaý jáne olardyń jolyn kesý boıynsha júıeli jumysty jalǵastyryp jatyr. 

Polisia.kz-tiń málimetinshe qylmys jasady degen kúdikke kásiporynnyń qyzmetkerleri ilindi. Olardyń zańsyz áreketi jedel is-sharalar nátıjesinde qujattaldy. Fıgýranttar metaldyń kezekti partıasyn shyǵarý kezinde qylmys ústinde ustaldy.

Olardyń is-áreketterinen kásiporynǵa 30 mln teńge somasynda shyǵyn keltirildi. Qylmystyq is urlyqtyń birneshe epızodtary boıynsha tergelip jatyr. 

Ulytaý oblysynda uıymdasqan qylmysqa qarsy kúres basqarmasy «Qazaqmys» korporasıasynyń qaýipsizdik qyzmetimen birlesip, kórsetilgen kásiporynnyń jumyskerlerinen turatyn eki top ustady. Olar taýarlyq-materıaldyq qundylyqtardy urlaý sqemasyn uıymdastyrǵan.

– Birinshi jaǵdaıda top músheleriniń biri ýchaske bastyǵy. Olar 16 mln teńgeden astam somaǵa kásiporyn múlkin urlaǵan. Ekinshi topta qylmystardy jasaýǵa korporasıa basqarmalarynyń biriniń basshysy qatysqan. Olar urlanǵan zattardy kásiporyn aýmaǵynan qujattardy qoldan jasaý arqyly shyǵaryp otyrǵan. Atalǵan faktiler boıynsha fıgýranttardyń quqyqqa qarsy áreketteri týraly dálelder jınaldy. Barlyq kúdiktiler ustaldy, – dedi İİM uıymdasqan qylmysqa qarsy kúres departamentiniń ókili Qýandyq Alpys. 

Sotqa deıingi tergep-tekserý adamdar tobymen aldyn ala sóz baılasý arqyly jasalǵan urlyq faktileri boıynsha júrgizilýde.

– Sondaı-aq «Qarmet» AQ-dan múlik urlaýdy uıymdastyrǵany úshin 2023 jyly ustalǵan toptardyń biriniń músheleri uzaq merzimge sottalǵanyn atap ótý qajet. Osy kásiporynda urlyq jasaǵan basqa da eki uıymdasqan qylmystyq topqa qatysty tergeý aıaqtaldy. Qylmystyq ister sotqa jiberildi. İri ónerkásip obektilerinde uıymdasqan qylmystyq toptardyń krımınaldyq áreketteriniń jolyn kesý jónindegi jumys İshki ister mınıstrliginiń baqylaýynda, – dedi spıke