Oqıǵa 21 sáýir kúni keshki saǵat 20:30 shamasynda qalalyq ákimdik ǵımaratynyń janynda bolǵan. Sheneýnik birneshe jerinen jaralanyp, jedel túrde aýrýhanaǵa jetkizildi. Qazir ol operasıa ústinde jatyr.

Polısıa dereginshe, Berdenovke «Saıga-12» markaly qarýdan úsh ret oq atylǵan, onyń ekeýi denesine tıgen. Ómirine qaýip tóndirmeıtin jaraqat alǵany habarlanyp otyr.

Respublica partıasynyń múshesi Beıbit Álibekov Berdenovtiń jaǵdaıy týraly jazdy.

«Dostar, áriptester, Rýslan Berdenov tiri. Qazir operasıa ústinde. Úsh ret oq atyldy, ekeýi denesine tıdi. Ómirlik mańyzdy aǵzalary zaqymdanbaǵan».

Shymkent qalalyq polısıa departamenti bul aqparatty rastady.

«21 sáýirde Shymkent qalasy ákimdigi ǵımaratynyń janynda atys qarýy qoldanylǵan qylmystyq oqıǵa tirkeldi. Nátıjesinde ákimdik qyzmetkeri jaraqat alyp, medısınalyq mekemege jatqyzyldy. Qajetti medısınalyq kómek tolyq kólemde kórsetilýde. Kúdikti ustalyp, ýaqytsha ustaý ızolátoryna qamaldy. Atalǵan fakt boıynsha qylmystyq is qozǵalyp, tergeý amaldary júrgizilip jatyr», – dep habarlady vedomstvo.