ALMATY. QazAqparat - Búgin Almatyda «Nur Otan» partıasynyń qalalyq Máslıhattaǵy depýtattyq fraksıasynyń qala búdjetin ońtaılandyrý máselesi boıynsha jınalysy ótti. 
Oǵan Almaty qalasynyń ákimi Baýyrjan Baıbek, Máslıhattyń depýtattary jáne jergilikti memlekettik organdardyń basshylary qatysty.

Óziniń alǵy sózinde qala basshysy búdjet qarajatyn negizinen áleýmettik salalardy damytýǵa jumsaý kerektigin aıtty.

«Búdjet máselesi óte mańyzdy. Onyń árbir tıyny qaıda jumsalyp jatyr? Qalaı jumsalyp jatyr? Osy jaǵyn muqıat qadaǵalaýymyz qajet. Qalalyq Máslıhat depýtattarynyń 95 paıyzy «Nur Otan» partıasynyń músheleri. Iaǵnı, ondaǵy eń úlken fraksıa osy «Nur Otan» partıasyna tıesili. Sondyqtan bıylǵy 2015 jyldyń búdjetin ońtalandyrý máselesin erteń Máslıhattyń sesıasyna shyǵarmaı turyp, búgin aldyn ala, fraksıa otyrysynda talqylaǵandy jón kórdik. «Nur Otan» partıasynyń negizgi tórt ustanymy ol - ashyqtyq, nátıjelilik, eseptilik jáne jaýapkershilik. Biz osy tórt ustanym boıynsha jumys atqarýymyz kerek», - dedi óz sózinde B. Baıbek.

Otyrys barysynda negizgi másele qala búdjetiniń tıimdi paıdalanylýy men oryndalýy tóńireginde boldy. «Nur Otan» fraksıasynyń depýtattary megapolıs búdjetindegi tıimiz shyǵyndardy 5,4  mlrd. teńgege qysqartty. Qatysýshylar únemdelgen qarjyny áleýmettik mańyzǵa ıe jobalarǵa jumsaý kerektigin usyndy. Bul sheshim biraýyzdan qabyldandy.

Sonymen qatar, fraksıa depýtattary búgingi jıynǵa qatysqan qoǵamdyq uıymdardyń usynystaryn eskere otyryp, búdjettik qarjynyń jumsalýyn ońtaılandyrý jáne qadaǵalaý sharalaryn jan-jaqty qarastyrdy.

Derekkóz: QazAqparat