Almaty qalasy Jastar saıasaty basqarmasynyń qoldaýymen, «Áleýmettiksheberhana» jobasy aıasynda, Almaty qalasynyńOrtalyq demalys saıabaǵynda, Almaty oblystyq№1 balalar úıiniń tárbıelenýshilerine arnalǵanqaıyrymdylyq mádenı-oıyn-saýyq is-sharasyuıymdastyryldy.
İs-shara barysynda balalar Almaty qalasynyń Ortalyq demalys saıabaǵynda bolyp, túrli atraksıondarda demalyp, kóterińki kóńil kúıge bólenip, jańa áserlerge ıe boldy. Sonymen qatar qatysýshylarǵa ystyq túski as pen táttiler usynyldy.
Osy oraıda, Almaty qalasynyń Ortalyq demalys saıabaǵy balalarǵa jáne halyqtyń áleýmettik osal toptaryna qoldaý kórsetýge baǵyttalǵan qaıyrymdylyq jáne áleýmettik bastamalardy turaqty túrde qoldap kele jatqanyn atap ótken jón. 2026 jyldyń basynan búgingi kúnge deıin saıabaqtyń qaıyrymdylyq qoldaýynyń arqasynda tórt myńnan astam bala atraksıondarǵa tegin barý múmkindigine ıe boldy. Saıabaq osyndaı jobalardy júzege asyrý alańy retinde qyzmet atqaryp, áleýmettik jaýapkershilikti, qaıyrymdylyq mádenıetin damytýǵa, qolaıly orta qalyptastyrýǵa jáne qoǵamdyq mańyzy bar is-sharalardy ótkizýge óz úlesin qosyp keledi.
Osyndaı bastamalar balalardyń bos ýaqytyn qyzyqty ári mazmundy ótkizýge múmkindik berip qana qoımaı, olardyń áleýmettik beıimdelýine, tulǵalyq damýyna jáne jaǵymdy ómirlik tájirıbe qalyptastyrýyna yqpal etedi.
«Qamqor Charity» qoǵamdyq qorynyń tóraıymy Baǵdat Anarbaeva mundaı is-sharalar qordyń ómirlik qıyn jaǵdaıǵa tap bolǵan balalardy qoldaý baǵytyndaǵy júıeli jumysynyń mańyzdy bóligi ekenin atap ótti.
«Árbir bala qamqorlyq pen meıirimdi sezinýge laıyq. Keıde qýanyshqa toly bir kúnniń ózi balaǵa ózine degen senimdilik syılap, ómirge jańa kózqaraspen qaraýǵa múmkindik beredi. “Áleýmettik sheberhana” jobasy arqyly biz balalardyń jan-jaqty damýyna, áleýmettenýine jáne baqytty balalyq shaǵyn qalyptastyrýǵa jaǵdaı jasaýdy maqsat etemiz», - dedi «Qamqor Charity» qoǵamdyq qorynyń tóraıymy Baǵdat Anarbaeva.
Eske sala keteıik, «Áleýmettik sheberhana» jobasy ata-anasynyń qamqorlyǵynsyz qalǵan, ómirlik qıyn jaǵdaıǵa tap bolǵan jáne erekshe bilim berý qajettilikteri bar balalardy qoldaýǵa baǵyttalǵan. Jobanyń basty maqsaty - olardyń áleýmettik beıimdelýine, tulǵalyq damýyna jáne qoǵam ómirine belsendi aralasýyna yqpal etý.
