Qytaı astanasy Pekınde «Halal» óndirýshileriniń forýmy ótýde. Bul forým Qytaıdaǵy «Halal» óndimderimen aınalysatyn kásiporyndardyń basyn qosady. Sondaı-aq, sheteldegi musylman kompanıalarda atalmysh forýmǵa qatysyp, Qytaıdaǵy «Musylman» taǵamdaryn óndirýshilermen ózara iskerlik qarym-qatynas ornatý múmkindigine ıe bolady. Basty maqsat – «Halal» ónimderdiń taralymyn arttyryp, onyń daýmyna Qytaı memleketiniń nazaryn aýdarýdy kózdeıdi.

Bul forýmǵa Qytaıdaǵy az ult ókilderi arasynda «Juńgo qazaq stýdentteri uıymynyń» jetekshisi Nurdáýlet Bókeıhanuly qatysýda. Nurdáýlettiń aıtýynsha, Qytaı elinde «Halal» óndirisimen negizinen dúńgen ultynyń kásipkerleri aınalysady. Uıǵyr kompanıalary da qur alaqan emes. Sondyqtan, aldaǵy ýaqytta Qytaıdaǵy qazaqtardy da osy óndiristi damytýǵa jebeý kezek kúttirmeıtin is. «Onsyzda aspan asty elinde qazaq taǵamdarynyń suranysy aıtarlyqtaı joǵary. Tek sony júıeli nasıhattap, óndiris kólemin arttyý qajet» – deıdi Nurdáýlet Bókeıhanuly.

Aıta keterligi, Qytaıda kez kelgen ónimniń qorabyna «Halal» nemese halal emestigi jaıly aqparat berilý mindetti.