Total.kz saıtynyń habarlaýy boıynsha  «Vlast ınternet-jýrnaly Qazaqstan aımaqtarynyń eń bedeldi ákimderniń reıtıńin qurǵan. . Aımaq basshysynyń "bedeldigi" "óz erkimen sheshim qabyldaı alýy" jáne "el deńgeıindegi baılanystardyń bolýyna"  qaraı baǵalanǵan. Barlyq oblys ákimderi qatysqan reıtıń nátıjesi  sarapshylar arasynda júrgizilgen saýalnama negizinde anyqtaldy. Saýalnamaǵa 80-ge jýyq maman qatysqan. Olardyń ishinde saıasattanýshylar, jýrnalıser, ekonomıser jáne áleýmettanýshylar, qoǵam qaıratkerleri de bar.

Ǵalamtor jýrnalynyń redaksıasy sarapshyylardy  ákimderge bedeldiligi boıynsha baǵa qoıýyn suraǵan.  Basylym "basqa reıtıńtegilerdeı ózderiniń reıtıńi de naǵyz obektıvtilikke qurylǵan" dep aıta almaıtynyn eskertip, úzdikter tek sarapshylardyń pikiri boıynsha anyqtalǵanyn jetkizipti.

Sonymen úzdik ákim retinde 2008 jyly Astana ákimi bolyp taǵaıyndalǵan 55 jasar Imanǵalı Tasmaǵambetov tanylsa, ekinshi oryndy qanjyǵasyna baılaǵan Ahmetjan Esimov boldy. Al qola júlde ıegeri retinde Mańǵystaý oblysynyń ákimi Baýyrjan Muhamedjanov támamdaıdy.Tórtinshi orynda  OQO ákimi Asqar Myrzahmetov, Aqmola oblysynyń basshysy Qaırat Qojamjarov, Atyraý oblysynyń ákimi Bergeı Rysqalıev, Jambyl oblysynyń ákimi Qanat Bozymbaev, Qaraǵandy oblysynyń ákimi Ábilǵazy Qusaıynov, SHQO ákimi Berdibek Saparbaev jáne Qyzylorda oblysynyń ákimi Bolatbek Qýandyqov  qanjyǵalaryna baılady..