Reseılik «Bazalyq element» kompanıasynyń basshysy, Almaty qalasynyń týmasy Gúljan Moldajanovanyń esimi Forbes jýrnalynyń jyl saıynǵy reıtıńinde Reseıdegi eń qymbat 25 kompanıanyń qataryna kirdi. Bul týraly «Qamshy» portaly QazAqparatqa silteme jasap habarlaıdy.

6 mln. dollar tabys jınaǵan Gúljan Moldajanova 17-shi oryn aldy. «Bazalyq element» kompanıasy basshysynyń úzdik 25 basshynyń reıtıńinde jalǵyz áıel ekenin atap ótý kerek.

Gúljan Moldajanova 1966 jyldyń 11 maýsymynda Almatyda dúnıege keldi. Bilimi boıynsha fızık. 1989 jyly Qazaq memlekettik ýnıversıtetin úzdik támamdaǵan. Odan keıin Máskeýdegi aspırantýrada bilim alý úshin Qazaqstannan ketken. 27 jasynda ǵylym kandıdaty atandy, al 1994-1995 jyldary MMÝ-de ǵylymı jumyspen aınalysty.

Bilimi: Qazaq memlekettik ýnıversıteti, RF Úkimeti janyndaǵy Qarjy akademıasy.

Eńbek joly:

1995 - «Alúmınprodýkt», hatshy;

1995-1999 - «Sibir alúmınıdiń» esepshisi, qarjylyq menedjer, komersıalyq dırektor;

2000-2004 - «Rýsal» kompanıasynyń satý jáne marketıń boıynsha dırektory, strategıa jáne birlesken damý boıynsha dırektor;

2004-2005 - alúmını bıznesi boıynsha basqarýshy dırektor, «Bazalyq element» kompanıasy bas dırektorynyń birinshi orynbasary;

2005-2009 - «Bazalyq element» kompanıasynyń  bas dırektory;

2009-2011 - «ESN» tobynyń bas dırektory; 

2012 jyldan bastap - «Bazalyq element» kompanıasynyń  bas dırektory.