2015 jylǵy respýblıkalyq búdjet shyǵystary 66,5 mlrd teńgege qysqaratyn bolady. Bul týraly búgin Májiliste «2015-2017 jyldarǵa arnalǵan respýblıkalyq búdjet týraly» zańyna ózgerister men tolyqtyrýlar engizý týraly» zań jobasynyń tanystyrylymy barysynda QR Ulttyq ekonomıka mınıstri Erbolat Dosaev málimdedi, - dep habarlaıdy «Qamshy» portaly QazAqparatqa silteme jasap.

«Makroekonomıkalyq kórsetkishterdiń naqtylanǵan boljamy negizinde 2015 jylǵa arnalǵan respýblıkalyq búdjet parametrleriniń boljamy naqtylandy. Bul rette respýblıkalyq búdjet kiristeri (transfertterdi esepke almaǵanda) 2015 jyly 3 174,2 mlrd. teńge mólsherinde baǵalanyp otyr, bul bekitilgen jospardan 45,8 mlrd. teńgege tómen. Kiristerdiń negizgi azaıýy korporatıvtik tabys salyǵy boıynsha 183,5 mlrd. teńgege jáne Eýrazıalyq ekonomıkalyq odaqqa múshe  elderden túsetin ári bólinetin kedendik bajdar boıynsha 50,3 mlrd. teńgege kútilýde», - deıdi Erbolat Dosaev.

Onyń aıtýynsha,  AQSH dollarynyń ortasha jyldyq eseptik baǵamynyń ulǵaıýyna baılanysty, munaıǵa eksporttyq kedendik bajdar túsimderiniń 70,7 mlrd. teńgege jáne áskerı polıgondar men «Baıqońyr» keshenin paıdalanǵany úshin jaldaý aqysynyń 5,8 mlrd. teńgege ulǵaıýy boljanady.

«Respýblıkalyq búdjet tapshylyǵy 1 257,7 mlrd. teńge mólsherinde (2014 jylǵy búdjet qarajatynyń 1,2 mlrd. teńge somasyndaǵy tartylǵan qaldyqtaryn eskere otyryp) nemese JİÓ-ge qatysty 3,0 % deńgeıinde saqtaldy. 2015 jylǵa arnalǵan respýblıkalyq búdjet shyǵystary bekitilgen mólsherge qatysty 66,5 mlrd. teńgege azaıtyla otyryp, 7 179,2 mlrd. teńge kóleminde boljanyp otyr», - dedi mınıstr.