Reseı ánshisi Alla Pýgacheva Vladımır Pýtındi óz dáýiriniń Prezıdenti dep sanamaıdy. Bul týraly «Qamshy» portaly «Novaıa gazetaǵa» silteme jasap habarlaıdy.
Sondaı-aq, ánshi gazetke qazir sahnaǵa shyǵýǵa qatty qumarlyǵynyń joqtyǵyn, anda-sanda kóńiline unaǵan ánderdi jazdyryp, shyrqaıtynyn aıtqan.
-Jaqynda «Soǵys» ánin jazdyrtyp, oryndadym. Ony keıin Dmtrıı Iarosh bólisip júrgenin kórdim, - deıdi ánshi.
Pýgacheva ssonymen qatar, sahnaǵa kóp shyqpaýynyń bir sebebi Reseı Prezıdenti V.Pýtın ekenin de aıtqan.
«Pýtındi óz dáýirińniń qaıratkeri sanaısyń ba?» degen saýalǵa:
-Joq, qazir meniń dáýirim emes. Men sahnadan ol týraly bulaı aıtylmaýy úshin ketken bolýym da múmkin, - degen.
Buǵan deıin Sochıde ótken «Novaıa volna» baıqaýyna qonaq retinde qatysqan A. Pýgacheva 1984 jyly jazylǵan «Svátaıa loj» ánin oryndap jurtty tań qaldyrǵan bolatyn.
Pikir qaldyrý