Ýnıversıadanyń 17 mıllıardtyq operasıalyq búdjetiniń 50 paıyzyn otandyq ónim óndirýshilerdiń taýarlary, jumysy men qyzmeti quraıdy.  Bul týraly Almatyda Ýnıversıadaǵa daıyndyq aıasynda ótkizilgen Otandyq taýar óndirýshilermen yntymaqtastyq forýmynda Almaty qalasynyń halyqaralyq sporttyq jobalar dıreksıasynyń dırektory Áset Ábdýalıev málimdedi. Bul týraly «Qamshy» portaly habarlaıdy.

«Jýyrda úkimettiń keńeıtilgen otyrysynda Memleket basshysy N.Á. Nazarbaev barlyq qazaqstandyqtardy «Qazaqstanda jasalǵan» atty aksıany júzege asyrýda otandyq ónimderge qoldaý bildirýge shaqyrǵan bolatyn.Túsindire ketkim keledi, Ýnıversıada búdjetiniń mańyzdy bir bóligiIT-qamtý men halyqaralyq translásıalarǵa jumsalady. Bul qyzmet túrlerin iri sheteldik kompanıalar usynady-dedi, Áset Ábdýalıev.

Aıta ketý kerek, qazaqstandyq qatysýdyń úlesi Ýnıversıadada 53 paıyzdy quraıdy. Al sheteldik kompanıalardiki- 47 paıyz. Budan burynyraq, Ýnıversıada-2017 búdjeti 32 mlrd teńgeden 17 mlrd teńgege qysqarǵany habarlanǵan.

Esterińizge sala keteıik, jýyrda Almatyda qysqy Ýnıversıadaǵa daıyndyq aıasynda otandyq ónim shyǵarýshylarmen yntymaqtastyq forýmy ótken bolatyn. Qorytyndysynda qazaqstandyq ónim shyǵarýshylarmen 20 mlrd teńgege memorandým bektiligen bolatyn.