Almatyda ótetin Ýnıversıada oıyndarynyń baǵdarlamasyna kiretin sport túrleri bekitildi. Bul týraly Almatyda Ýnıversıadaǵa daıyndyq aıasynda ótkizilgen Otandyq taýar óndirýshilermen yntymaqtastyq forýmynda Almaty qalasynyń halyqaralyq sporttyq jobalar dıreksıasynyń dırektory Áset Ábdýalıev málimdedi,-dep habarlaıdy «Qamshy» portaly.

Onyń aıtýynsha, Ýnıversıadanyń sporttyq dısıplınalary men sporttyq nysandary tolyq bekitildi. 

«Osy ýaqytqa deıin snoýbordtyń half-paıp dısıplınasynyń máselesi sheshilmegen edi.  Snoýbordtyń atalǵan túrin ótkizý úshin 2 mlrd teńgege jer qazý jumystaryn júrgizýdi talap etken. Biraq biz bul dısıplınany qalanyń ortalyǵynda ýaqytsha konstrýksıalarda ótetinbıg-eır men shańǵy akrobatıkasyna aýystyrdyq. Ony uıymdastyrýǵa 2 mlrd shyǵynnyń ornyna 50 mln teńge ketedi,- dedi Áset Ábdýálıev.

Ýnıversıada baǵdarlamasyna shańǵy saıysy, bıatlon, short-trek, mánerlep syrǵanaý, kónkımen júgirý sporty, snoýbord, frıstaıl, shaıbaly hokeı, tramplınnen sekirý, shańǵy qossaıysy, bendı, taýshańǵy sporty men kerlıng kiredi.  Ýnıversıadanyń tarıhynda birinshi ret snoýbordtyń bıgeır túri men shańǵy akrobatıkasy ashyq aspan astynda ótpek. Bul jarystardy ótkizý úshin Almatynyń ortalyǵynan ýaqytsha sport ǵımaraty boı kóteredi.

Qalǵan sport túrleri 8 nysanda ótedi. Onyń úsheýiniń qurylysy qazirgi ýaqytta júrgizilýde. Olar 12 myńdyq Muz saraıy, 3000 myń adamdyq Muz arenasy jáne 5000 adamǵa arnalǵan Atletıkalyq aýyl salynýda.

Almatydaǵy qysqy Ýnıversıada 2017 jyldyń 29 qańtary men 8 aqpanda ótedi. Atalǵan doda elimizdi tarıhynda ótetin eń iri sporttyq shara bolmaq. Oǵan 2000 sportshy, 1000 tehnıkalyq delegat pen tóreshiler toby qatysady. Jáne jarysty tamashalaýǵa 30000 týrıs keledi dep josparlanǵan.

Esterińizge sala keteıik, jýyrda Almatyda qysqy Ýnıversıadaǵa daıyndyq aıasynda otandyq ónim shyǵarýshylarmen yntymaqtastyq forýmy ótken bolatyn. Qorytyndysynda qazaqstandyq ónim shyǵarýshylarmen 20 mlrd teńgege memorandým bekitiligen bolatyn.