«2017 jyly Almatyda ótetin qysqy Ýnıversıada oıyndaryn 80 elden 1 mıllıard halyq tamashalaıdy». Bul týraly Almatyda Ýnıversıadaǵa daıyndyq aıasynda ótkizilgen Otandyq taýar óndirýshilermen yntymaqtastyq forýmynda Almaty qalasynyń halyqaralyq sporttyq jobalar dıreksıasynyń dırektory Áset Ábdýalıev málimdedi. Bul týraly «Qamshy» portaly habarlaıdy.

Onyń cózinshe, Ýnıversıada sıaqty iri dodanyń teleaýdıtorıasy únemi aýqymdy bolǵan. «Almatydaǵy stýdentterdiń qysqy Ýnıversıadasy álem jurtshylyǵy taǵatsyzdana kútip otyrǵan sport sharalarynyń biri. Sondyqtan álemge tanymal telearnalar jarystan tikeleı translásıalar jasap, 80 elge taratpaq. Bizdiń esebimizshe álemniń 1 mıllıard halqy Almatydaǵy dodany tamashalaıdy»,-dedi Áset Ábdýalıev.

Almatydaǵy qysqy Ýnıversıada 2017 jyldyń 29 qańtary men 8 aqpanda ótedi. Atalǵan doda elimizdi tarıhynda ótetin eń iri sporttyq shara bolmaq. Oǵan 2000 sportshy, 1000 tehnıkalyq delegat pen tóreshiler toby qatysady. Jáne jarysty tamashalaýǵa 30000 týrıs keledi dep josparlanǵan.

Esterińizge sala keteıik, jýyrda Almatyda qysqy Ýnıversıadaǵa daıyndyq aıasynda otandyq ónim shyǵarýshylarmen yntymaqtastyq forýmy ótken bolatyn. Qorytyndysynda qazaqstandyq ónim shyǵarýshylarmen 20 mlrd teńgege memorandým bekitiligen bolatyn.